پشاور ہائی کورٹ میں پی ٹی آئی کے سابق وزراء کے خلاف مقدمات پر سماعت

پشاور ہائیکورٹ میں پی ٹی آئی سنیٹر اعظم سواتی, سابق وفاقی وزیر مراد سعید اور سابق صوبائی وزیر عاطف خان کے خلاف مقدمات کی تفصیل فراہمی سے متعلق درخواست پر سماعت میں عدالت نے حکومت سے جواب طلب کرلیا
سماعت جسٹس اعجاز انور اور جسٹس سید ارشد علی پر مشتمل دو رکنی بنچ نے سماعت کی، ایڈیشنل ایڈووکیٹ جنرل دانیال چمکنی, درخواست گزار وکیل قاضی انور ایڈوکیٹ, شاہ فیصل اتمانخیل اور ندیم شاہ ایڈوکیٹ عدالت میں پیش ہوئے، عدالت نے حکومت کو نوٹس جاری کرتے ہوئے جواب طلب کرلیا، کیسں قابل سماعت ہے کہ نہیں ہم دیکھیں گے۔ جسٹس اعجاز انور نے کہا کہ حکومت یہ تو بتا دیں کہ ان کے گھروں پر ریڈ کیوں ہورہے ہیں۔ قاضی انور ایڈووکیٹ نے کہا کہ یہ پبلک انٹرسٹ کاکیس ہے اعظم سواتی سینیٹر ہے اور مراد سعید بھی سابق قومی اسمبلی ممبر ہے۔ عدالت نے کہا کہ حکومت کو نوٹس جاری کرتے ہیں بتا دیں کہ ان کے خلاف کتنے کیسز ہے۔ عدالت نے کہا کہ 5 جولائی کو اس کیس کو دوبارہ سنے گے۔ اے اے جی نے کہا کہ عید کی چھٹیاں ہے 5 جولائی سے آگے تاریخ دے دیں۔جس پر عدالت نے برہم ہوتے ہوئے کہا کہ پولیس کی کوئی چھٹی نہیں ہوتی جواب جمع کریں۔ عدالت نے حکومت سے جواب طلب کرتے ہوئے سماعت 5 جولائی تک ملتوی کردی۔