پشاور افسران کے تبادلے و تعیناتیوں کے احکامات جاری

افسران کے تبادلے و تعیناتیوں کے احکامات جاری

پشاور ۔ 25 جولائی (اے پی پی)حکومت خیبرپختونخوا نے فوری طور پر عوامی مفاد میں چار افسران کے تبادلے و تعیناتیوں کے احکامات جاری کیے ہیں ۔ اسٹیبلشمنٹ ڈیپارٹمنٹ حکومت خیبرپختونخوا کے جاری کردہ اعلامیہ کے مطابق ایڈیشنل پی ڈی ای ایم یو محکمہ ابتداء و ثانوی تعلیم عبداللہ (پی ایم ای، بی ایس ۔ 19) کو تبدیل کرکے انہیں سپیشل سیکرٹری لوکل گورنمنٹ اینڈ رورل ڈویلپمنٹ ڈیپارٹمنٹ تعینات کردیا ہے، اسی طرح ڈائریکٹر خیبرپختونخوا پرائیویٹ سکولز ریگولیٹری اتھارٹی مس نیلم سلطانہ خٹک (پی اے ایس، بی ایس ۔ 18) کو مزید تعیناتی کےلئے ان کی خدمات کو پی اینڈ ڈی ڈیپارٹمنٹ کے حوالے کردی گئی جبکہ ڈپٹی سیکرٹری سی اینڈ ڈبلیو ڈیپارٹمنٹ محمد توفیق( پی ایم ای، بی ایس ۔ 18) کو ڈپٹی سیکرٹری پی اینڈ ڈی ڈیپارٹمنٹ اور اسسٹنٹ کمشنر بحرین سوات شبیر خان (پی ایم ایس، بی ایس ۔ 17) کی بحیثیت ڈپٹی سیکرٹری سی اینڈ ڈبلیو ڈیپارٹمنٹ تعیناتی کے احکامات جاری کیے ہیں ۔