پشاور، ایس ایس پی آپریشن ظہور بابر آفریدی کا متحدہ اپوزیشن کے جلسہ گاہ کا دورہ
پشاور ۔ 25 جولائی (اے پی پی) ایس ایس پی آپریشن ظہور بابر آفریدی نے ملین مارچ کی روٹ اور متحدہ اپوزیشن کی جانب سے ہونے والے جلسہ کی جگہ کا دورہ کیا ۔ ایس پی سٹی عتیق شاہ بھی ان کے ہمراہ موجود تھے ، ملین مارچ اور احتجاجی جلسہ کےلئے سکیورٹی انتظامات کو حتمی شکل دے دی گئی ہے ، احتجاجی جلسہ اور مارچ کےلئے خصوصی سکیورٹی پلان تشکیل دیا گیا ، آر آر ایف ، کیو آر ایف ،سنیفر ڈاگز ،بی ڈی یو ٹیموں سمیت ایک ہزار سے زائد پولیس اہلکار سکیورٹی کے فراءض سرانجام دینگے ۔ ٹریفک کو رواں دواں رکھنے کی خاطر 3سو کے قریب ٹریفک اہلکار تعینات کئے گئے ہیں ، جلسہ گاہ کے داخلی دروازوں پر واک تھرو گیٹ نصب کئے گئے ہیں ، سیاسی قائدین اور دیگر شرکا ء کی سکیورٹی کو یقینی بنانے کی خاطر جلسہ گاہ کی طرف ;200;نے والے افراد کی سخت چیکنگ کی جا رہی ہے ۔ ایس ایس پی آپریشنز ظہور بابر آفریدی نے کہا ہے کہ ملین مارچ اور احتجاجی جلسہ کے موقع پرکسی بھی ناخوشگوار واقعہ سے نمٹنے کیلئے پولیس ہائی الرٹ ہے، جلسہ گاہ اور ارد گرد اطراف کو بی ڈی یو اور سنیفر ڈاگز کے زریعے سویپنگ کرکے کلئیر کر دیا گیا ہے ۔ انہوں نے کہا کہ کسی بھی ایمرجنسی صورتحال سے نمٹنے کی خاطر پولیس کے خصوصی اضافی دستے بھی تعینات کر دئیے گئے ہیں ۔
