کپتان کے اعلان پر ہوا عملدرآمد،پٹرولیم مصنوعات کی قیمتوں میں ہوئی 15 روپے کی کمی

باغی ٹی وی کی رپورٹ کے مطابق پٹرولیم مصنوعات کی قیمتوں میں کمی کا نوٹی فکیشن جاری کر دیا گیا

پٹرول کی قیمت میں15روپے فی لٹر کمی کر دی گئی پٹرول کی نئی قیمت96روپے60پیسے فی لٹر مقرر کی گئی ہے،ڈیزل کی قیمت 107 روپے 25پیسے مقرر کی گئی ہے،مٹی کے تیل کی نئی قیمت77روپے45پیسے فی لٹر مقرر کی گئی ہے

پٹرولیم مصنوعات کی قیمتوں میں کمی کا نوٹفکیشن جاری کر دیا گیا ہے، قیمتوں میں کمی کا اطلاق آج سے ہو گا.پٹرولیم مصنوعات کی قیمتوں میں 3 ماہ کیلئےکمی کی منظوری دی گئی،3 ماہ تک اب قیمتوں میں ردوبدل نہیں ہو گی.. پٹرولیم مصنوعات پر 3 ماہ کیلئے 70 ارب روپے کی سبسڈی کی منظوری دی گئی ہے

وزارت خزانہ کے مطابق ماہانہ 300 یونٹ بجلی استعمال کرنے والے صارفین کو 36 ارب روپے کا ریلیف ملے گا، ماہانہ 2 ہزارروپے گیس کا بل قسطوں میں ادا کرنے کی منظوری دی گئی ہے۔ آلات پر 15 ارب روپے کے ٹیکس ریلیف کی منظوری دی گئی ہے،زراعت اور چھوٹے کاروبار کیلئے 100 ارب روپے کی سبسڈی منظور کی گئی ہے، مزدوروں، یومیہ اجرت پر کام کرنے والوں کیلئے 200 ارب روپے کی منظوری دی گئی ہے۔

صنعتوں اور برآمدی شعبے کیلئے 100 ارب روپے مختص کیے گئے ہیں، ٹیکس ریفنڈ کے اجرا سمیت قرضوں اورسود کی ادائیگی میں سہولت کااعلان کیا گیا ہے، زراعت اور ایس ایم ای کیلئے 100 ارب روپے رکھے گئے ہیں۔

وزارت خزانہ کے مطابق شدید متاثرہ خاندانوں کیلئے 144 ارب روپے کے ریلیف کا اعلان کیا گیا ہے، ایک کروڑ 20 لاکھ مستحق خاندانوں کو 4 ماہ تک فراہم کیے جائیں گے۔ یوٹیلیٹی سٹورز کیلئے 50 ارب، پناہ گاہوں کیلئے 6 ارب روپے مختص کیے گئے ہیں، گندم کی خریداری کیلئے 280 ارب روپے مختص ہوئے ہیں، توانائی فنڈز کیلئے 100 ارب اور این ڈی ایم اے کیلئے 25 ارب روپے مختص کیے گئے ہیں۔

واضح رہے کہ وزیراعظم عمران خان نے کرونا وائرس کی وجہ سے عوام کو معاشی پیکج دینے کا اعلان کرتے ہوئے کہا تھا کہ پٹرولیم مصنوعات کی قیمتوں میں 15 روپے کی کمی کریں گے،بجلی کا بل 300 یونٹ والے تک 3 ماہ میں قسطوں میں بل ادا کریں گے،چھوٹی،بڑی صنعتوں اورزراعت کیلئے100ارب روپے رکھے ہیں،مفت لنگراورپناہ گاہوں کی تعداد میں مزید اضافہ کیا جائے گا،

وزیراعظم عمران خان کا کہنا تھا کہ غریب خاندانوں کو تین ہزار ماہانہ امداد دی جائے گی،مزدورطبقےکیلئے200ارب روپے مختص کر رہے ہیں، ملک میں افراتفری پھیلائی جا رہی ہے، سب سے زیادہ خطرہ ہمیں کرونا وائرس سے نہیں بلکہ خوف میں آ کر غلط فیصلے کرنے سے زیادہ خطرہ ہے۔

ان کا کہنا تھا کہ فیصلہ کرتے ہیں کہ ٹرانسپورٹ کرتے ہیں تو اس کے اثرات ہوتے ہیں، ہم نے ملکی حالات سامنے رکھتے ہوئے فیصلے کرنے ہیں، میں ایک چیز کلیئر کرنا چاہتا ہوں نیشنل سیکورٹی کونسل کی میٹنگ کے دوران ہی ملک لاک ڈاؤن ہونا شروع ہو گیا تھا۔ سکولز بند ہو گئے تھے، ٹرانسپورٹ بند تھی

کرونا وائرس، وزیراعظم نے معاشی پیکج کا اعلان کر دیا، پٹرول کی قیمتیں کتنی ہوں گی کم؟