پی ایچ اے ڈپٹی ڈائریکٹر فرخ اخلاق خواتین کو نوکریوں کا جھانسہ دیکر ورغلانے کے چکروں میں گرفتار

لاہور : ایف آئی اے سائبر ونگ حرکت میں آگیا ، سائبر ونگ نے پی ایچ اے کے ڈپٹی ڈائریکٹر فرخ اخلاق کو گرفتار کرلیا ، ایف آئی اے حکام کے مطابق فرخ اخلاق خواتین کو احساس پروگرام میں نوکریوں کا جھانسہ دے کر ورغلا رہا تھا .فرخ اخلاق کی اس حرکت کی وجہ سے کئی خواتین نے ایف آئی اے کو شکایات بھی کی تھیں

معتبر ذرائع کے حوالے سے یہ معلوم ہوا ہے کہ پارلیمانی سیکرٹری کنول شازب نے سائبر کرائم ونگ کو درخواست دی تھی کہ فرخ‌اخلاق خواتین کو نوکریوں‌کا جھانسہ دیکر ورغلارہا ہے.ایف ائی اے حکام نے انکشاف کیا ہے کہ فرخ اخلاق کو ٹریپ ریڈ کے دوران ایک خاتون سے ملنے کے بہانے ہوٹل میں بلایا گیا تھا.جس پر ایف آئی اے سائبر ونگ نے گرفتار کرکے تفتیش شروع کردی ہے.