پی آئی اے کا کابل کےلیے چارٹر پرواز چلانے کا اعلان

اسلام آباد:پی آئی اے کا کابل کےلیے چارٹر پرواز چلانے کا اعلان ،اطلاعات کے مطابق پی آئی اے نے اچانک ایک اہم اعلان کردیا ہے کہ وہ اج سے کابل اور اسلام آباد کے لیے چارٹرڈ پروازیں شروع کررہی ہے ،

پی ائی اے حکام کا کہنا ہے کہ اس پرواز کے ذریعے بڑی تعداد میں افغان صحافی اور ان کے اہل خانہ کو افغانستان سے نکال کر پاکستان پہنچایا جائے گا۔

ترجمان پی آئی اے کے مطابق اس پرواز کے ذریعے بڑی تعداد میں افغان صحافی اور ان کے اہل خانہ کو افغانستان سے نکال کر پاکستان پہنچایا جائے گا۔

ترجمان نے بتایاکہ چارٹر پرواز بوئنگ 777 طیارے کے ذریعے آپریٹ ہوگی جو اسلام آباد سے صبح 8 بجے روانہ ہوگی۔

ترجمان کا کہنا تھا کہ 19 مسافر اس پرواز کے ذریعےکابل پہنچیں گے اور واپسی میں یہ پرواز تقریباً سوا تین سو مسافروں کو لے کر ساڑھے 11 بجے دن کابل سے اسلام آباد آئے گی۔

ترجمان کے مطابق اس پرواز کے ذریعے افغانستان میں پیشہ ورانہ سرگرمیوں میں مصروف مغربی ذرائع ابلاغ سے تعلق رکھنے والے صحافیوں کے علاوہ ایک بہت بڑی تعداد افغان صحافیوں خصوصاً خواتین صحافیوں اور ان کے اہل خانہ کی بھی ہوگی۔

ذرائع کے مطابق ان افغان صحافیوں کو مغربی ممالک سے تعلق رکھنے والی مختلف این جی او ز افغانستان چھوڑنے کیلئے اسپانسر کر رہی ہیں۔

ذرائع کا کہنا ہے کہ افغانستان میں طالبان حکومت کے قیام کے بعد بہت سے افغان مرد اور خواتین صحافی اپنے آپ کو غیر محفوظ قرار دیتے ہوئے ملک چھوڑنا چاہتے ہیں، افغان صحافیوں اور ان کے خاندانوں کو کابل سے پاکستان پہنچایا جائے گا جہاں سے وہ اپنی مرضی کے ممالک چلے جائیں گے۔