پی آئی اے کے 4 پائلٹس مبینہ طور پر کرونا کے شکار
باغی ٹی وی :ذرائع کے مطابق کورونا وائرس نے پی آئی اے کے پائلٹس کو بھی اپنی لپیٹ میں لینا شروع کر دیا .پی آئی اے کے 4 پائلٹ میں مبینہ طور پر کرونا وائرس کی موجودگی کا شبہ ہو گیا . ان پائلٹس کو کراچی کو کراچی ایئر پورٹ ہوٹل میں داخل کر دیا گیا.پائلٹ ایسوسی ایشن نے اپنے ممبران کو پائلٹ آپریٹ کرنے سےروکنے کافیصلہ کرلیا .
واضح رہے کہ پاکستان میں کورونا وائرس کے مریضوں کی تعداد میں روز بروز اضافہ ہونے لگا ہے ، مزید 4 افراد جاں بحق ہو گئے ہیں جس کے بعد ملک بھر میں ہلاکتوں کی تعداد 45 ہو گئی ہے جبکہ متاثرہ افراد 2880 ہیں۔
حکومتی ویب سائٹ کے مطابق سندھ میں 839، پنجاب میں 1072، خیبرپختونخوا میں 343، گلگت بلتستان میں 193، بلوچستان میں 175، اسلام آباد میں 75، آزاد کشمیر میں 11 افراد کرونا وائرس سے متاثر ہوئے جبکہ ملک بھر میں 131 افراد صحتیاب ہوگئے۔
