پی آئی اے کی جدہ سے کراچی کےلیے پرواز اچانک تبدیل

پاکستان انٹرنیشنل ایئرلائنز (پی آئی اے) کی جدہ سے کراچی کےلیے پرواز کی منزل اچانک تبدیل کردی گئی-

باغی ٹی وی: تفصیلات کے مطابق پرواز پی کے 860 سعودی وقت کے مطابق شام 5:40 پر جدہ سے کراچی کے لیے شیڈول تھی روانگی سے ایک گھنٹہ قبل پرواز کو جدہ سے لاہور کردیا گیاایئربس 320 کے ذریعے کراچی آنے والے عمرہ زائرین کی تعداد 150 سے زائد ہے۔

رمضان المبارک میں ایک سے زیادہ عمرہ ادا کر پر پابندی عائد

مسافروں کے مطابق جدہ سے کراچی کے مسافروں کو دو آپشن دیئے جارہے ہیں جن میں سے پہلا لاہور کی پرواز پر ایڈجسٹ ہونے کا ہے، جہاں سے مسافروں کو اتوار کی صبح دوسری ڈومیسٹک پرواز سے کراچی پہنچانے کا عندیہ دیا جارہا ہے۔

پی آئی اے عملے کی جانب سے دوسرا آپشن اتوار کی رات 12 بجے تک انتظار کرنے کا دیا جارہا ہے، اس آپشن میں جدہ سے براہ راست کراچی روانہ ہونے والی پرواز کا انتظار کرنے کا کہا جارہا ہے۔

گلگت بلتستان اور کشمیر پولیس کو دیگر صوبوں میں لے جانے پر پابندی عائد

جدہ ایئرپورٹ پر پی آئی اے کے ملتان اور کوئٹہ کے مسافروں کو بھی کم و بیش اسی قسم کی صورتحال کا سامنا ہے۔