پی آئی اے کی آج کوئی پرواز کابل نہیں جائے گی ترجمان پی آئی اے

پاکستان انٹرنیشنل ائیر لائنز ( پی آئی اے ) کی آج کوئی فلائٹ کابل نہیں جائے گی-

باغی ٹی وی : تفصیلات کے مطابق پی آئی اےکی جانب سے اعلان کیا گیا ہے کہ آج پی آئی اے کی کوئی بھی پرواز کابل کیلئے آپریٹ نہیں کی جائے گی ۔

ترجمان پی آئی اے نے کہا کہ کابل ائیرپوٹ پر کمرشل پروازں کیلئے ضروری سہولیات موجود نہیں ، انتظامات نہ ہونے پر کابل کیلئے پی آئی اے پروازیں عارضی طور پر معطل کی گئی ہیں ۔

دوسری جانب افغانستان سے انخلا کے لیے کابل ائیر پورٹ کے باہر انتظار کرنے والے 3 افراد جان کی بازی ہار گئے غیر ملکی میڈیا کے مطابق تینوں افراد کی موت مبینہ طور پر ہجوم، افراتفری، حبس اور پانی کی کمی کے باعث ہوئی۔

میڈیا کی آزادی مہذب جمہوری معاشروں کا حسن ہے عرفان صدیقی

قطر کے حکام کا کہنا ہے کہ آپریشن کے آغاز سے اب تک 7 ہزار سے زائد افراد کو دوحہ لایا گیا، ساڑھے 8 ہزار سے زائد مسافروں نے متحدہ عرب امارت کے راستے سفر کیا۔

امریکی محکمہ دفاع پینٹا گون کے مطابق گزشتہ ہفتے ڈھائی ہزار امریکیوں سمیت 17 ہزار افراد کا افغانستان سے انخلا کیا گیا۔

پاکستان افغان حکومت کو تسلیم کرے سراج الحق کامطالبہ

ادھرموجودہ صورتحال کے تناظر میں امریکی سفارتخانے نے اپنے شہریوں کو کابل ائیر پورٹ آنے سے منع کر دیا، امریکی شہریوں کو کہا گیا ہے کہ ائیر پورٹ کے دروازے کے باہر ممکنہ سکیورٹی خطرات ہیں اس لیے وہاں آنے سے گریز کیا جائے۔

ادھر چین نے افغانستان میں اپنے باشندوں کو ہدایات جاری کی ہیں کہ کابل ائیر پورٹ اور دیگر افراتفری والے مقامات سے دور رہیں۔