وفاقی وزیر ہوابازی خواجہ سعد رفیق نے ملتان ائر پورٹ کا دورہ کیا، وفاقی وزیر سعد رفیق نے کہا کہ ملتان ائر پورٹ پر مسافروں کی سہولت کے لئے اضافی نشتیں لگائی جائیں،ائر پورٹ پر مسافروں کو معیاری اشیاء کی فراہمی کو یقینی بنایا جائے،امیگریشن سٹاف کی کمی کا مسئلہ جلد حل کر لیا جائے گا.وفاقی وزیر نےملتان ائر پورٹ کی آمدن بڑھانے کے لئے فی الفور اقدامات اٹھانے کی ہدایات کی.

گلگت ائیرپورٹ پر پرندوں کے خطرے سے آگاہی مہم کا آغاز

خواجہ سعد رفیق نے کہا کہ مسافروں کو رخصت کرنے کے لئے آنے والے احباب کی ائر پورٹ داخلے کی مربوط حکمت عملی بنائی جائے گی۔ قومی اداروں کی کارکردگی کو ذاتی دلچسپی سے بہتر بنایا جا سکتا ہے،پی آئی اے کی تنظیم نو اولین ترجیح ہے۔

دوسری طرف علامہ اقبال انٹر نیشنل ایئرپورٹ پر طیاروں سے مسلسل پرندے ٹکرانے کے واقعات کا معاملہ پر
سول ایوی ایشن کا فضائی سفر کو محفوظ بنانے کیلئے اہم اقدام کا اعلان کر دیا.لاہور ایئرپورٹ پر 11جولائی سے2ماہ کیلئے الصبح طیاروں کی لینڈنگ اور ٹیک آف پر پابندی عائد کردی گئی ہے.اس حوالے سے نوٹم جاری کر دیا گیا ہے.

عید کے ایام میں پی آئی اے کے کرایوں میں بھی کمی

ترجمان سی اے اے کے مطابق ملکی و غیر ملکی ایئرلائن نوٹم پر سختی سے عملدرآمد کریں تاہم کسی بھی ہنگامی صورت میں طیارے کو لینڈنگ کی اجازت ہوگی،مون سون کی وجہ سے پرندوں کی آمد میں مسلسل اضافہ ہورہا ہے،فضائی سفر کو محفوظ بنانے کیلئے الصبح 5بجے سے صبح کے8بجے تک کوئی بھی طیارہ ٹیک آف اور لینڈنگ نہیں کرسکے گا.

سی اے اے نے عیدالاضحی پر فضائی سفر کو محفوظ بنانے کیلئے آگاہی مہم بھی شروع کررکھی ہے، تاہم
ملکی و غیر ملکی تمام ایئرلائنز کو وقت کی پابندی پر عملدرآمد کیلئے باضابطہ طور پر نوٹم جاری کردیا گیا
ترجمان پی آئی اے کا کہنا ہے کہ سول ایوی ایشن اتھارٹی کے نوٹم کے مطابق قومی ایئرلائن نے بھی لاہور کیلئے اپنے پروازوں کے شیڈول میں بھی تبدیلی کردی ہے.