قومی ایئر لائن میں اہم پوسٹ پر تعیناتی

کراچی: قومی ایئرلائن میں اہم پوسٹ پرتعیناتی کردی گئی ہے اور ایک قائم مقام افسر کوچیف ہیومن ریسورسز افسر کا چارج دے دیا گیا۔

قائم مقام سی ایچ آر او کی پوسٹ کے لیے اطہر حسین کو دیگر افسران پر ترجیح دی گئی،

بتایا جارہا ہے کہ اطہر حسین کی تعیناتی ایئر کموڈور عامر الطاف کی ایئر فورس واپسی پر عمل میں لائی گئی ہے، عامر الطاف سابق سی ای او پی آئی اے ایئر مارشل ارشد ملک کے ساتھ ایئر فورس سے ڈیپوٹیشن پر پی آئی اے میں آنے والی ٹیم کا حصہ تھے۔

عامر الطاف 21 فروری کو ڈیپوٹیشن پوری ہونے پر ایئر فورس واپس چلے گئے ہیں، ان کی پی آئی اے میں ڈیپوٹیشن پر تعیناتی کی مدت میں توسیع بھی دی گئی تھی۔

ترجمان پی آئی اے کا مؤقف ہے کہ سینیارٹی مقدم ہے، تاہم اطہر حسین کو متعلقہ شعبے میں تجربے کا حامل ہونے کے باعث قائم مقام سی ایچ آر او تعینات کیا گیا ہے۔

تعیناتی کے اس تقررنامے میں یہ بھی ہدایت کی گئی ہےکہ قائم مقام افسراطہرحسین جوکہ اب چیف ہیومن ریسورسز افسر کی حیثیت سے آفیسر 22 فروری 2023 سے موثرہیں ۔ اطہرحسین اب فوڈ سروسزڈویژن اور فلائٹ سروسز ڈویژن کورپورٹ کرنے کے پابند ہوں گے

پی آئی اے کی طرف سے نئے چیف ہیومن ریسورسز افسراطہرحسین سے نیک خواہشات کے ساتھ ساتھ اس بات کی بھی امید کا اظہارکیا گیا ہے کہ وہ ادارے کی بہتری کے لیے اپنا بنیادی کردار ادا کریں گے