کراچی: پاکستان انٹرنیشنل ائیرلائنز (پی آئی اے) اور کراچی کی تجارتی برادری کے اشتراک سے قائم ہونے والی نئی ائیرلائن ‘اِئیر کراچی’ کے درمیان جہازوں کی دیکھ بھال اور انجینئرنگ خدمات کے حوالے سے ایک اہم معاہدہ دستخط ہو گیا ہے۔
اس معاہدے کے تحت ائیر کراچی اپنی فضائی جہازوں کی مرمت اور مینٹیننس (ایم آر او) کی سہولیات پاکستان انٹرنیشنل ائیرلائنز سے حاصل کرے گا۔ معاہدے پر دستخط کی تقریب میں پی آئی اے کے چیف ایگزیکٹو آفیسر (سی ای او) ایئر وائس مارشل عامر حیات، ائیر کراچی کے چیئرمین جناب حنیف گوہر اور سی ای او ایئر مارشل (ر) عمران ماجد نے شرکت کی۔
تقریب میں دونوں اداروں کے اعلیٰ حکام بھی موجود تھے، جنہوں نے اس معاہدے کو پاکستان کی فضائی صنعت کے لیے ایک مثبت قدم قرار دیا۔ معاہدے کا مقصد ائیر کراچی کی ائیر لائننگ خدمات کو بہتر بنانا اور جہازوں کی موثر دیکھ بھال کے ذریعے حفاظتی معیار کو بلند کرنا ہے۔پی آئی اے کی انجینئرنگ خدمات کی بدولت ائیر کراچی اپنے فضائی جہازوں کی مرمت و دیکھ بھال کا معیار عالمی سطح پر یقینی بنائے گا، جو پاکستان کی فضائی صنعت میں ایک اہم سنگ میل سمجھا جا رہا ہے۔ اس شراکت داری سے نہ صرف دونوں اداروں کو فائدہ پہنچے گا بلکہ ملکی معیشت اور فضائی سفر کی صنعت کو بھی تقویت ملے گی۔
