Ayesha Rehmani
اسلام آباد:اسلام آباد ائیرپورٹ پر پی آئی اے کے طیارے سے پرندہ ٹکرانے سے انجن کو نقصان پہنچا جس پر طیارے کو گراؤنڈ کر دیا گیا۔
باغی ٹی وی : نیو اسلام آباد انڑنیشنل ایئرپورٹ پر قومی ایئر لائن (پی آئی اے) کا طیارہ حادثے سے بال بال بچ گیا پرواز نمبر پی کے 325 نے کوئٹہ کے لیے ٹیک آف کیا ہی تھا کہ فضا میں پرندہ طیارے کے انجن سے ٹکرا گیا، جس سے انجن نمبر 2 کو نقصان پہنچا پرندے کی ٹکر سے انجن کے بلیڈر کو نقصان پہنچنے پر طیارے کو گراؤنڈ کر دیا گیا-
پائلٹ نے انجن سے خود کار نظام کے تحت سگنل ملتے ہی کنٹرول ٹاور کو آگاہ کرکے واپس لینڈنگ کے لیے آگاہ کیا پائلٹ نے مہارت کا مظاہرہ کرتے ہوئے طیارے کو بحفاظت اسلام آباد ایئرپورٹ پر لینڈ کروا لیا، طیارے کو ایئرپورٹ پر گراؤنڈ کرکے انجینیئرز کو طلب کیا گیا،انجنیئرز کی ٹیم انجن کی مرمت کا کام کر رہی ہے، طیارے کے مسافروں کو دوسرے طیارے کے ذریعے کوئٹہ روانہ کیا گیا۔
