وزیر اعظم پاکستان کی ہدایت پر معیاری گوشت کی یقینی فراہمی کیلئے ڈائریکٹر جنرل پنجاب فوڈ اتھارٹی کیپٹن (ر) محمد عثمان کی سربراہی میں صوبہ بھر میں چکن پوائنٹس کی چیکنگ کی گئی۔
باغی ٹی وی کی رپورٹ کے مطابق پنجاب فوڈ اتھارٹی کی جانب سے جاری اعلامیہ میں کہا گیا ہے کہ صوبہ بھر میں 769 پولٹری پوائنٹس کی چیکنگ کے دوران 35 پولٹری پوائنٹس سیل کرتے ہوئے 410 کلو مضر صحت گوشت تلف کر دیا گیا۔مکھیوں، حشرات، بلیوں کی موجودگی اور غیر معیاری سٹوریج کی بناء پر بھاری جرمانے بھی عائد کیے گئے۔
ڈی جی فوڈ اتھارٹی کی سربراہی میں صوبہ بھر میں چکن پوائنٹس کی چیکنگ کی گئی۔فوڈ سیفٹی ٹیموں نے صوبہ بھر میں 769 پولٹری پوائنٹس کی چیکنگ کرتے ہوئے 35 پولٹری پوائنٹ سیل کرتے ہوئے 410 کلو مضر صحت گوشت تلف کر دیا۔اسی طرح پی ایف اے قوانین کی خلاف ورزیوں اورغیر معیاری انتظامات پر 135 کو جرمانے،211 کو اصلاحی نوٹسز جاری جبکہ 12چکن پوائنٹس کے لائسنس بھی اپلائی کروائے گئے۔
ڈی جی فوڈ اتھارٹی کا کہنا تھا کہ لاغر،مردہ اور بیمار مرغیوں کے گوشت کی فروخت اور ناقص انتظامات پر چکن سیل پوائنٹس کو سیل کیا گیا۔مکھیوں، حشرات، بلیوں کی موجودگی اور گوشت کی غیر معیاری سٹوریج کی بناء پر جرمانے عائد کیے۔کیپٹن(ر) محمد عثمان کا مزید کہنا تھا کہ دوکانوں پر گوشت کی تیاری کے لیے فوڈ گریڈ ٹیبل، ذبح کے لیے کون سسٹم، حشرات اور مکھیوں سے بچاو کے انتظات لازم ہیں۔پہلے سے ذبح شدہ مرغی کا گوشت خریدنے کی بجائے تازہ اور صحت مند گوشت کو ترجیح دیں۔ انہوں نے عوام سے گزارش کی کہ گوشت خریدتے وقت کم عمر، لاغر یا بیمار مرغی مت ذبح کروائیں۔ شکایت کی صورت میں ہیلپ لائن، موبائل اپلیکیشن، فیس بک پیج یا ویب سائٹ کے ذریعے رابطہ کریں۔
