پسنی میں‌3 ماہی گیر ڈوب گئے

پسنی کے قریب سمندر میں مچھلیاں پکڑتے ہوئے 3 ماہی گیر ڈوب گئے، ایک ماہی گیر کی لاش نکال لی گئی، جبکہ باقی 2 کی تلاش جاری ہے۔

تفصیلات کے مطابق گوادر کےعلاقے پسنی میں ساحل کےقریب سمندر میں ایک ماہی گیر باپ اپنے بیٹے اور بھتیجے کے ہمراہ جال لگا کر مچھلیاں پکڑ رہا تھا کہ سمندر میں اچانک آنے والی بڑی لہر تینوں ماہی گیروں کو بہا کر لے گئی۔

پولیس ذرائع کے مطابق ماہی گیر باپ کی لاش پسنی کےقریب بدوک سےمل گئی ہے،تاہم باقی 2 کی تلاش جاری ہے۔

پولیس کے مطابق سمندر کی صورتحال کے باعث آج کل سمندر میں ماہی گیری پر مقامی طور پر بابندی عائد کی گئی ہے۔