پاکستان فلم انڈسٹری کے معروف اداکار شان شاہد کا کہنا ہے کہ وزیراعظم عمران خان یاروں کے یار نہیں ہیں بلکہ صرف پاکستان کے یار ہیں-
باغی ٹی وی :سماجی رابطے کی ویب سائٹ ٹوئٹر پر شان شاہد نے وزیراعظم پاکستان کے لیے تعریفی پیغام جاری کرتے ہوئے لکھا کہ عمران خان کی ایک بات مجھے بہت پسند ہے اور وہ یہ ہے کہ وزیراعظم صاحب یاروں کے یار نہیں ہیں بلکہ صرف پاکستان کے یار ہیں۔
@ImranKhanPTI Khan sb ki ek baat bohat achee hai .. woh yaroon kai yaar nahee hain … sirf Pakistan kay yaar hain ♥️🙏🏼🇵🇰💯🧿
— Shaan Shahid (@mshaanshahid) September 18, 2020
شان شاہد نے وزیراعظم عمران خان سے اپنی پسندیدگی کا اظہار کرنے کے لیے اپنے ٹوئٹ میں پاکستان کے جھنڈے اور دل والے ایموجی کا بھی اضافہ کیا۔
شان شاہد کے اس ٹوئٹ پر سینیٹر فیصل جاوید نے کمنٹ کرتے ہوئے لکھا کہ اور آپ بھی صرف پاکستان کے یار ہیں-
اس کے علاوہ شان شاہد نے اپنے ایک اور ٹوئٹ میں بانی پاکستان اور بابائے قوم قائد اعظم محمد علی جناح کی تصویر شیئر کی۔
#ourLeader Let’s unite for one moment ♥️🇵🇰 pic.twitter.com/cZUdJrUUXh
— Shaan Shahid (@mshaanshahid) September 19, 2020
قائد اعظم محمد علی جناح کی تصویر شیئر کرتے ہوئے شان شاہد نے لکھا کہ’ہمارے لیڈر‘ ایک لمحے کے لیے سب متحد ہوجائیں۔
واضح رہے کہ شان شاہد کے دونوں ٹوئٹس پر صارفین کی جانب سے مثبت رد عمل دیا جارہا ہے-
