سمجھ نہیں آتا عمران اسماعیل میں گانوں کا پوٹینشل زیادہ ہے یا گورننس کا، وزیراعظم عمران خان

سمجھ نہیں آتا عمران اسماعیل میں گانوں کا پوٹینشل زیادہ ہے یا گورننس کا،وزیراعظم کا تین سالہ حکومتی کارکردگی کی تقریب میں ساتھیوں سے ہلکا پھلکا مذاق-

باغی ٹی وی: وزیراعظم عمران خان نے اسلام آباد میں منعقدہ تقریب سے خطاب میں تقریب میں گلوکار عطااللہ عیسیٰ خیلوی اور ابرارالحق کی پرفارمنس پر وزیراعظم نے دونوں کو خوب داد دی۔

سینیٹر فیصل جاوید کو مخاطب کرتے ہوئے کہا کہ فیصل جاوید کو جب مائیک مل جائے تو وہ چھوڑتا ہی نہیں ہے۔

تقریب میں گورنر عمران اسماعیل نے اپنا مقبول نغمہ تبدیلی آئی رے گایا جس پر تبصرہ کرتے ہوئے وزیراعظم نے کہا کہ سمجھ نہیں آتا عمران اسماعیل میں گانوں کا پوٹینشل زیادہ ہے یا گورننس کا۔

گورنر سندھ عمران اسماعیل کا ’مجھے کیوں نکالا‘ نیا گانا بنا نے کا اعلان

واضح رہے کہ : تحریک انصاف حکومت کی تین سالہ کارکردگی پیش کرنے کے حوالے سے خصوصی تقریب کے دوران گورنر سندھ عمران اسماعیل نے گلوکار شاہ زمان کے ساتھ اپنا مقبول گانا ’تبدیلی آئے رے‘ گایا۔

اس موقع پر انہوں نے کہا تھا کہ اس گانے کو چار سال مکمل ہو چکے ہیں اور یہ ایک سپر ہٹ گانا ہے اب میں شاہ زمان کے ساتھ مل کر نئے گانے پر کام کر رہا ہوں جس کا نام ہے مجھے کیوں نکالا۔ میں یہ گانا نواز شریف کے نام کروں گا۔

عمران اسماعیل نے اس موقع پر نئے گانے کی کچھ لائنیں اور دھن گن گنا کر بھی سنائیں جسے سن کر تقریب میں موجود لوگ ہنس پڑے۔

وزیراعظم نےتحریک انصاف حکومت کی 3 سالہ کارکردگی رپورٹ پیش کر دی، اپوزیشن پر شدید تنقید