وزیراعظم کا یہ کام غیر مناسب، جماعت اسلامی نے کیا اہم اعلان، اب سجے گا پھر میدان
امیرجماعت اسلامی صوبہ وسطی پنجاب و صدر ملی یکجہتی کونسل پنجاب وسطی محمد جاوید قصوری نے کہا کہ فارن فنڈنگ میں روزانہ کی بنیاد پر کیس کی سماعت کا خیر مقدم کرتے ہیں۔ حکمران مسلسل غلط بیانی کر کے عوام کو بے وقوف بنا رہے ہیں۔ وزیر اعظم کی عدلیہ سے متعلق بیان بازی غیر مناسب ہے، اس سے ملک میں اداروں کے درمیان تصادم کی فضا قائم ہوسکتی ہے۔ غیر محتاط طرز عمل جمہوریت کے تسلسل میں رکاوٹ پیدا کرے گا۔ حکومت سمیت تمام اداروں کو ایک دوسرے کا احترام کرتے ہوئے آئین و قانون کے مطابق کام کرنا چاہے۔
غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی
فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا
فارن فنڈنگ کیس،الیکشن کمیشن نے سنایا بڑا فیصلہ
تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا
ان خیالات کا اظہار انہوں نے گزشتہ روزلاہور منصورہ میں اہم اجلاس سے خطاب کرتے ہوئے کیا۔ انہوں نے کہا کہ چیف جسٹس آصف کھوسہ کی جانب سے مدلل انداز میں عدلیہ کی کارکردگی کو بیان کرنا اور پولیس ریفارمز کی طرف توجہ دلانا درست اقدام ہے۔ ملک میں لاکھوں مقدمات ایسے ہیں جو پولیس کے ناقص نظام کی نذر ہو کر دب جاتے ہیں۔ ملک میں بلا تفریق احتساب ناگزیر ہے۔ بد قسمتی سے احتساب کے حوالے سے ایسا تاثر پایا جاتا ہے جس سے نیب او ر دیگر اداروں کی کارکردگی پر سوالیہ نشان لگ چکا ہے۔
انھوں نے کہا ہے کہ جنرل مشرف کیس میں قوم کی نگاہیں عدالت عالیہ پر لگی ہیں۔ اس وقت تک ہم ترقی نہیں کرسکتے جب تک ملک میں امیر اورغریب کی تفریق ختم اور اشرافیہ کو بھی قانون کی حکمرانی کا پابند نہیں بنالیا جاتا۔ محمد جاوید قصوری نے اس حوالے سے مزید کہا کہ حکومت اپنی ناکامیوں کا سارا ملبہ اداروں پر ڈال کر راہ فرار اختیار کرنا چاہتی ہے۔ 22کروڑ عوام حکمرانوں کو بھاگنے نہیں دیں گے۔ وزیر اعظم عمران خان اپنی خفت مٹانے کے لیے غیر سیاسی اداروں کو نشانہ بنارہے ہیں۔ ملک اس وقت گھمبیر مسائل کی زد میں ہے محض وزراء کی تبدیلی سے کارکردگی میں بہتری نہیں آئے گی۔
