Ayesha Rehmani
اسلام آباد: وزیراعظم شہباز شریف نے سمندری طوفان ’بائےپر جوائے‘ کے پیش نظر پیشگی ہنگامی اقدامات اٹھانے کی ہدایت کر دی۔
باغی ٹی وی: وزیراعظم شہباز شریف نے نیشنل ڈیزاسٹر مینجمنٹ اتھارٹی (این ڈی ایم اے) کو بلوچستان میں طوفان اور بارشوں سے متاثرہ علاقوں اور عوام کی بھرپور مدد کی ہدایت کی ہے وزیراعظم نےمقامی انتظامیہ کوطوفان ’بائے پر جوائے‘ کے پیش نظر پیشگی ہنگامی اقدامات اٹھانے کی ہدایت کی اور کہا کہ پورے ملک میں امدادی کاموں کی خود نگرانی کر رہا ہوں، انتظامیہ اور ادارے عوام کی مدد میں کوئی کسر اٹھا نہ رکھیں۔
خیبرپختونخوا: طوفانی بارشوں کی وجہ سے جانی و مالی نقصان پروزیراعظم کا اظہار افسوس
این ڈی ایم اے الرٹ- سائکلون بائپر جوائے pic.twitter.com/MSQYBpacqK
— NDMA PAKISTAN (@ndmapk) June 10, 2023
واضح رہے کہ بحیرہ عرب میں بننے والا سمندری طوفان بائپر جوائے کراچی کے ساحل سے 910 کلو میٹر اور ٹھٹہ کے ساحل سے 890 کلو میٹر کی دوری پر موجود ہے جس کے باعث ممکنہ طور پر ساحلی علاقے تیز آندھی ، سمندری طوفان اور سیلاب کی زد میں آ سکتے ہیں۔
ترجمان نیشنل ڈیزاسٹر مینجمنٹ اتھارٹی (این ڈی ایم اے)کا کہنا ہے کہ طوفان بائپر جوائے 150 کلومیٹر فی گھنٹےکی رفتار سے شمالی بحر ہند میں موجود ہے، اگلے 24 گھنٹوں تک بائپر جوائے کی شدت اسی رفتار سے برقرار رہنےکا امکان ہے۔
سمندری طوفان ”بائے پرجوائے“ کے پیش نظربھارت کی سات ریاستوں میں الرٹ جاری
این ڈی ایم اے نے مئی میں باضابطہ طور پر سمندری طوفان کے بارے میں متعلقہ حکام کو آگاہ کر کے ساحلی علاقوں میں طوفان کے بارے میں تیاری کے اقدامات کو فعال طور پر انجام دینے پر زور دیا تھا این ڈی ایم اے کے ایمرجنسی سینٹر میں بین الاقوامی ماڈلز کے ذریعے "بائے پر جوائے” کی پیش رفت پر مسلسل نگرانی کی جارہی ہے۔
محکمہ موسمیات کے مطابق 13 یا 14 جون کو سندھ اور بلوچستان کی ساحلی پٹی پر گرج چمک کے ساتھ بارش کا امکان ہے، ماہی گیروں اور عام عوام سمندر میں جانے سے گریز کریں اور کسی بھی ہنگامی صورتحال میں مقامی حکام کی ہدایت پر عمل کریں۔
