وزیرا عظم نے خیبر پختونخوا پولیس میں بڑے پیمانے پر تبادلے کیوں کیے

وزیرا عظم نے کے پی پولیس میں بڑے پیمانے پر تبادلے کیوں کیے

باغی ٹی وی وزیراعظم عمران خان خیبرپختونخوا (کے پی) پولیس کی کارکردگی سے شدید نالاں ہیں اور اسی لیے انہوں نے بڑے پیمانے پر تبادلوں کی منظوری دے دی ہے۔

ذرائع کے مطابق وفاقی حکومت نے انسپکٹر جنرل (آئی جی) خیبر پختونخوا کو فوری تبدیل کرنے کا فیصلہ کیا ہے، موجودہ آئی جی کے پی ڈاکٹر نعیم کو جلد ہی عہدے سے ہٹا دیا جائے گا۔

ذرائع کا کہنا ہے کہ اسٹیبلشمنٹ ڈویژن نے نئے آئی جی خیبر پختونخوا کے لیے تین نام وزیر اعظم آفس کو بھجوا دیے ہیں۔ ذرائع کے مطابق تین ناموں میں سینئر پولیس افسران محمد طاہر، ثنا اللہ عباسی اور محمد سلیمان کے نام شامل ہیں۔ ایک نام کی منظوری کے بعد سمری اسٹیبلشمنٹ ڈویژن کو واپس بھجوائی جائے گی.خیبر پی کے کی حکومت کو پچھلے دور میں تصور کیا جاتا تھا کہ تحریک انصاف نے اس میں کافی بہتری لائی تھی اور اصلاحی عمل کیا تھا.لیکن اب اس دور میں پھر سے کارکرگی پر سوال اٹھے ہیں.اور یہی وجہ ہے کہ وزیر اعظم کو تبادلے کرنے پڑے.