اسلام آباد :میں اپنی قوم کے نونہالوں کو برباد ہوتے نہیں دیکھ سکتا:وزیراعظم عمران خان کا فحش ویب سائٹس بند کرنے کا حکم ،اطلاعات کے مطابق وزیراعظم عمران خان نے کہا ہے کہ اب بہت ہوگیا ، میں اپنی قوم کے بچوں ، جوانوں اور نسل نوکوبرباد ہوتے نہیں دیکھ سکتا ،وزیراعظم نے اس موقع پر پی ٹی اے حکام کوایسی ہدایات جاری کردیں کہ اہل پاکستان کے دل خوشی سے پھولے نہ سمائے ،وزیراعظم نے آج حکم کل کے اجلاس کی روشنی میں دیا
اسلام آباد سے ذرائع کے مطابق وزیراعظم عمران خان نےنسل نو کوتباہ کاریوں سے بچانے کے لیے ملک میں فحش ویب سائٹس کو بند کرنے کے لیے متعلقہ حکام کو ہدایت کرتے ہوئے کہا ہے کہ جدید ٹیکنالوجی کے دور میں نسلِ نو کی کردار سازی بہت اہم ہے۔
اطلاعات کے مطابق اس سے پہلے گذشتہ روز وزیراعظم عمران خان کی زیر صدارت ملک میں فحش ویب سائٹس کو بلاک کرنے سے متعلق اجلاس بھی ہوا۔اجلاس میں پروفیسر ڈاکٹر عطاء الرحمن ، چیئرمین نیاٹیل راشد خان اور دیگر متعلقہ افسران نے شرکت کی۔
یہ بھی معلوم ہوا ہے کہ کل کے اجلاس میں وزیراعظم نے کہا جدید ٹیکنالوجی کے آلات اور تھری/ فور جی انٹرنیٹ کے پھیلاؤ نے لوگوں کی ہر قسم کے مواد تک رسائی ممکن بنا دی۔
وزیراعظم نے متعلقہ حکام کو ہدایت کی کہ وہ آن لائن مواد کی موثر گیٹ کیپنگ کو یقینی بنائیں تاکہ معصوم دماغوں کو آن لائن غیر اخلاقی اور فحش مواد کے اثر سے بچایا جا سکے۔
ذرائع کےمطابق کل کے فیصلے کی روشنی میں آج وزیراعظم نےمزید کہا کہ ہمیں اپنے نوجوانوں بالخصوص بچوں کو آن لائن دستیاب غیر اخلاقی مواد سے بچانے کی ضرورت ہے۔
اس سے قبل وزیراعظم کو آگاہ کیا گیا تھا کہ مواد کی ترسیل کے نیٹ ورکس خاص طور پر کلاؤڈ فئیر، انٹرنیٹ ٹریفک کے کل شئیر کا 2.1 فیصد رکھتے ہیں۔انہیں فحش مواد پیش کرنے کی شکایات ہیں۔دیگر سی ڈی این اپنی پالیسیوں کے مطابق فحش مواد پیش نہیں کرتے۔
وزیراعظم کو یہ بھی بتایا گیا کہ پی ٹی اے کو آئی ایس پیز/سی ڈی اینز کے ساتھ مل کر کام کرنے کی ضرورت ہے تاکہ سی ڈی این، خاص طور پر کلاؤڈ فئیر کے ذریعے فحش مواد کو روکا جا سکے۔پی ٹی اے کو اپنے ویئر ہاؤس مینجمنٹ سسٹم (ڈبلیو ایم ایس) کی استعداد کو بڑھانے کی بھی ضرورت ہے
اس موقع پر یہ بھی وزیراعظم کو بتایا گیا کہ فحش ویب سائٹس کے کچھ عالمی اور باقاعدگی سے اپ ڈیٹ شدہ ڈیٹا بیس کے ساتھ انضمام کرکے انہیں یو آر ایل اور ڈومین کی سطح پر بلاک کیا جا سکے۔ مزید برآں ، اجلاس کو بتایا گیا کہ پی ٹی اے اس منصوبے کی فزیبلٹی پر کام کر رہا ہے جس کا نفاذ دو ماہ کی مدت میں ممکن ہو سکے گا۔
دوسری طرف وزیراعظم کے اس فیصلے کے بعد والدین ، اساتذہ اورہرپاکستانی اب نہ صرف خوش ہے بلکہ عمران خان کودعائیں دینے لگے ہیں کہ یہ پہلا وزیراعظم ہے جس نے اس قوم کا درد محسوس کیا ہے واقعی عملی طورپرثآبت کیا ہے کہ وہ اس قوم کےلیے کچھ کرنا چاہیے ہیں
