فوری انتخابات یا سخت فیصلے:وزیراعظم شہباز شریف کے کل قوم سے پہلے خطاب کا امکان

وزیراعظم شہبازشریف کے کل قوم سے پہلے خطاب کا امکان ہے،اپنے خطاب میں وزیراعظم قوم کو ملک کی معاشی صورتحال سمیت اہم معاملات پراعتماد میں لیں گے.وزیراعظم کی جانب سے کل اہم اعلان بھی متوقع ہے

زرائع کے مطابق وزیر اعظم شہبازشریف کی جانب سے کل سے اپنے پہلے خطاب کا امکان ظاہر کیا جارہا ہے ،وزیراعظم شہباز شریف قوم سے خطاب کے دوران ملک کی معاشی صورتحال سمیت اہم معاملات پر قوم کو اعتماد میں لیں گے،شہباز شریف اپنے خطاب میں سابق حکومت کی جانب سے آئی ایم ایف کے ساتھ کئے گئے معاہدوں کی تفسیل سے بھی قوم کو آگاہ کریں گے.ذرائع کے مطابق وزیراعظم کے قوم سے خطاب کے دوران اہم اعلان بھی متوقع پے.

ذرائع کے مطابق وزیراعظم شہباز شریف نے تمام اتحادی جماعتوں کا اجلاس آج طلب کر رکھا ہے جس میں وزیراعظم تمام اتحادی جماعتوں کے رہنماوں کو دورہ لندن کے حوالے سے اعتماد میں لیں گے شہباز شریف نے موجودہ ملکی صورتحال میں تمام اتحادیوں کے ساتھ مشاورت کے بعد سخت فیصلے لینے کا عندیا دیا ہے.ذرائع کا کہنا ہے کہ اجلاس میں دو آپشنز رکھے جائیں گے،جس میں ایک فوری انتخابات کروانے اور دوسرا سخت فیصلوں کا ہے۔
تاہم پیپلزپارٹی فوری انتضابات کے حوالے سے پہلے ہی اپنا موقف واضع کر چکی ہے اور پیپزپارٹی کے شریک چیئرمین اور سابق صدر آصف زرداری کہ چکے ہیں کہ پہلے ملک میں اصلاحات کا عمل مکمل کیا جائے جس کی بعد ملک میں انتجابات کرائے جائیں.

اس ستےقبل وزیراعظم شہبازشریف کی اتحادی جماعتوں کے رہنماؤں سے الگ الگ ملاقاتیں ہوئیں. وزیراعظم شہبازشریف نے سابق صدر آصف زرداری سے ون آن ون ملاقات کی اور لندن میں نواز شریف سے ہونے والی ملاقات کے متعلق اعتماد میں لیا۔وزیراعظم شہبازشریف نے مولانافضل الرحمان سے بھی آئندہ کی حکمت عملی پر گفتگوکی اور یقین دلایا تمام فیصلے مشاورت کے ساتھ ہوں گے۔شہباز شریف نے ایم کیو ایم پاکستان کے رہنما خالد مقبول صدیقی سے ملاقات کی تھی ، جس میں ایم کیو ایم پاکستان نے وزیراعظم کو فوری انتخابات کی تجویز دی تھی۔ ذرائع کے مطابق نواز شریف نے وزیراعظم شہبازشریف کو اتحادیوں کو انتخابات پرآمادہ کرنے کا ٹاسک دیا ہے۔