وزیر اعظم سے قطر کے سفیر کی ملاقات اور امیر قطر کا وزیراعظم سے ٹیلیفونک رابطہ

اسلام آباد:وزیر اعظم شہباز شریف سے قطر کے سفیر شیخ سعود عبدالرحمٰن الثانی نے ملاقات کی-

باغی ٹی وی : قطری سفیر نے شہباز شریف کو وزیر اعظم منتخب ہونے پر قطری قیادت کی جانب سے مبارکباد کا پیغام پہنچایا اور پاکستان کے ساتھ دوطرفہ تعلقات مزید گہرا کرنے کی قطر کی خواہش کا اعادہ کیا-

سعودی سفیر شہباز شریف کو مبارکباد دینے وزیراعظم ہاؤس پہنچ گئے

وزیراعظم نے قطری قیادت کی جانب سے تہنیتی پیغامات پر قطری سفیر کا شکریہ ادا کیا اور قطر پاکستان تعلقات کی اہمیت کو اجاگر کیا ،مختلف شعبوں میں تعاون بڑھانے کے عزم کا اظہا ر کیا-

وزیراعظم نے افغان امن عمل میں سہولت کار کے طور پر قطر کے کردار کو سراہا اور کہا کہ پاکستان اور قطر افغانستان میں امن و استحکام کے فروغ کیلئے کام کرتے رہیں گے افغان عوام کو انسانی بنیادوں پر امداد کی فراہمی کیلئے بھی کام کرتے رہیں گے قطر خلیجی ممالک میں پاکستانیوں کی ایک بڑی آبادی کا گھر ہے پاکستان اور قطر کے مابین مضبوط بنیادوں پر قریبی اور خوشگوار تعلقات ہیں-

دوسری جانب قطر کے امیر شیخ تمیم بن حماد الثانی نے وزیر اعظم شہباز شریف کو وزارت عظمیٰ کا منصب سنبھالنے پر مبارکباد دیتے ہوئے دونوں ممالک کے مابین تعلقات کو مزید مضبوط کرنے میں پوری حمایت کی یقین دہانی کرائی گئی۔

ٹیلی فونک گفتگو میں وزیر اعظم شہباز شریف نے قطر پاکستان کے تعلقات کی اہمیت کو اجاگر کیا اور مختلف شعبوں میں دوطرفہ تعاون کو مزید بڑھانے کی خواہش کا اظہار اور امیرِ قطر کا شکریہ ادا کیا۔

وزیر اعظم نے پاکستان اور قطر کے مابین معاشی سرگرمیوں کو بڑھانے کے عزم کا اعادہ کیا اور تجارت، سرمایہ کاری،توانائی،مواصلات، فوڈ سیکیورٹی اور دیگر اہم شعبے پاکستانی افرادی قوت کی فلاح و بہبود کے لیے قطر کے اقدامات کو بھی سراہا۔

شہباز شریف نے افغان امن عمل میں قطر کے کردار کو سراہا اور اس خواہش کا اظہار کیا کہ دونوں ممالک افغان عوام کے لیے امن ، استحکام اور انسانی امداد کے لیے مل کر کام کرتے رہیں اس موقع پر وزیر اعظم نے امیرِ قطر کو جلد پاکستان کا دورہ کرنے کی دعوت دے دی۔