وزیراعظم کا گھریلو صارفین کو سستی بجلی فراہمی کا حکم
وزیراعظم کا گھریلو صارفین کو سستی بجلی فراہمی کا حکم
باغی ٹی وی کی رپورٹ کے مطابق وزیرِ اعظم عمران خان کی زیرِ صدارت توانائی شعبے کا جائزہ اجلاس ہوا
اجلاس میں وفاقی وزراء عمر ایوب، مخدوم خسرو بختیار، ڈاکٹر عبدالحفیظ شیخ، معاونینِ خصوصی تابش گوہر، ندیم بابر، وقار مسعود اور متعلقہ اعلی افسران نے شرکت کی،اجلاس میں وزیرِ اعظم کو توانائی کے شعبے کے حوالے سے بریفنگ دی گئی
بجلی کی پیداوار اور ترسیل کی بہتری اور انرجی مکس کو بہتر اور ماحول دوست بنانے کے ساتھ ساتھ سستی بجلی بنانے کے مجوزہ منصوبوں پر بھی تفصیلی گفتگو ہوئی. اسکے علاوہ جاری منصوبوں پر پیش رفت سے بھی اجلاس کو آگاہ کیا گیا.
وزیرِ اعظم عمران خان کی زیرِ صدارت توانائی شعبے کا جائزہ اجلاس pic.twitter.com/mCbeepmMGL
— Prime Minister's Office (@PakPMO) December 30, 2020
وزیرِ اعظم کو گزشتہ حکومتوں کی طرف سے کئے گئے معاہدوں اور ان کے معیشت اور عام آدمی پر منفی اثرات سے بھی آگاہ کیا گیا،وزیرِ اعظم کو حکومت کی طرف سے کروناء وباء کے باوجود صنعت اور عام آدمی کے ریلیف کیلئے اٹھائے گئے اقدامات کے بارے بھی بتایا گیا.
وزیرِ اعظم نے توانائی شعبے کی اصلاحات پر اطمینان کا اظہار کرتے ہوئے گھریلو صارفین کے ریلیف اور صنعتوں کو بلاتعطل اور سستی بجلی کی فراہمی کو ترجیحات میں سر فہرست رکھنے کی ہدایت کی. مزید وزیرِ اعظم نے اصلاحات کو دیر پا اور مستقبل کی ضروریات کو مد نظر رکھنے پر زور دیا
