وزیر اعظم کی مفت آٹےکےمراکز پرشناختی کارڈ کی تصدیق میں رکاوٹوں کو دور کرنیکی ہدایت

وزیراعظم محمد شہبازشریف نے آٹا تقسیم کرنے والے مراکز کے حکام کو ہدایت کی ہے کہ شہریوں کو ان کے کمپیوٹرائزڈ قومی شناختی کارڈ کی تصدیق میں درپیش رکاوٹوں کو دور کیا جائے۔

باغی ٹی وی: وزیراعظم نے یہ بات اسلام آباد میں آٹے کی تقسیم کے مرکز کے دورے کے دوران کہی جہاں وفاقی حکومت ضرورت مند افراد کو آٹے کے تھیلے مفت فراہم کر رہی ہے۔

چند ججز عمران خان کوریلیف دینا چاہتے ہیں،مولانا فضل الرحمان

انہوں نے متعلقہ حکام سے کہا کہ وہ اس شخص کے لیے ایک سہولت کار طریقہ کار وضع کریں جو اصل کارڈ کے غائب ہونے کی صورت میں صرف قومی شناختی کارڈ کی فوٹو کاپی پیش کر سکے۔

وزیراعظم نے اس حوالے سے متبادل راستہ تجویز کرتے ہوئے رپورٹ بھی طلب کرلی انہوں نے عمر رسیدہ افراد اور خواتین میں آٹے کے تھیلوں کی تقسیم کو ترجیح دینےکی ہدایت کی جبکہ ایک کے بجائے دو آٹے کے تھیلے فراہم کرنے کا بھی فیصلہ کیا گیا تاکہ عوام کو بار بار ڈسٹری بیوشن سینٹر جانے کی ضرورت نہ پڑے۔

وفاق نےقاضی فائز عیسیٰ کیخلاف دائردرخواست واپس لینےکیلئےمتفرق درخواست دائرکردی

وزیر اطلاعات مریم اورنگزیب کے ہمراہ، وزیراعظم نے آٹے کی تقسیم کے مرکز کا ایک چکر لگایا اور مفت آٹے کے تھیلے وصول کرنے کے منتظر لوگوں سے بات چیت کی انہوں نے لوگوں کو لمبی قطاروں میں کھڑے ہونے سے بچنے کے لیے بیٹھنے کے مناسب انتظامات پر اطمینان کا اظہار کیا۔