مسلم لیگ ن کے رہنما سابق سینیٹر چوہدری تنویرخان کراچی ایئرپورٹ سے گرفتار

کراچی :‏مسلم لیگ ن کے رہنما سابق سینیٹر چوہدری تنویرخان کراچی ایئرپورٹ سے گرفتار، اطلاعات کے مطابق ن لیگ کے رہنما اور سابق سینیٹر چوہدری تنویرخان کوبالآخرسیکورٹی اداروں نے تلاش کرہی لیا اور پولیس کو مطلوب ن لیگی رہنما کو کراچی سے گرفتارکرلیا گیا ہے ،

ادھر کراچی سے ذرائع کے مطابق چوہدری تنویرخان محكمہ اینٹی كرپشن راولپنڈی کو مطلوب ہیں، دو روز قبل اینٹی کرپشن کی ٹیم نے انکے گھر ہونے والی بیٹے کی ولیمہ تقریب میں بھی چھاپہ مارا تھا

ٰیاد رہے کہ اس سے قبل بھی چوہدری تنویر کو گرفتار کرنے کی کئی کوششیں ہوچکی ہیں ، اینٹی کرپشن پنجاب نے راولپنڈی میں پاکستان مسلم لیگ ن کے رہنما چوہدری تنویر کی رہائش گاہ پر چھاپہ مارا ہے۔

ذرائع کا کہنا ہے کہ اینٹی کرپشن کی ٹیم چوہدری تنویر کو گرفتار کرنے کیلئے پہنچی، مگر وہ اپنی رہائش گاہ پر موجود نہیں تھے۔

ذرائع کا کہنا ہے کہ اینٹی کرپشن پنجاب کی ٹیم نے گھر کے کمروں کی تلاشی لی، چوہدری تنویر بیٹے کی شادی کی تقریب میں شرکت کیلئے چند روز قبل بیرون ملک سے واپس آئے تھے۔

ذرائع کا کہنا ہے کہ چوہدری تنویر پر سرکاری اراضی پر قبضے اور فراڈ کا الزام ہے۔

اینٹی کرپشن نے سرکاری اراضی پر قبضے کے الزام میں چوہدری تنویر پر مقدمہ درج کر رکھا ہے۔