35سال تک حکومت کرنے کے باوجود بھی ن لیگ کے رہنما نے کراچی کی ترقی کو اپنی موت سے منسوب کردیا

کراچی:35سال تک حکومت کرنے کے باوجود بھی ن لیگ کے رہنما نے کراچی کی ترقی پرغمگین کردینے والا بیان دے دیا ،اطلاعات کے مطابق پاکستان پر 35 سال سے زائد عرصہ تک حکومت کرنے والے خاندان کے سربراہ شہبازشریف نے ایسی بات کہہ دی کہ سننے والا ہرشخص دکھی ہوگیا

35 سال سے زائد عرصہ تک پاکستان پر حکومت کرنے والے خاندان کے سربراہ اور صدر مسلم لیگ ن اور قومی اسمبلی میں قائد حزب اختلاف شہباز شریف نے مرنے پہلے بدلا ہوا کراچی دیکھنے کی خواہش کا اظہار کیا ہے۔

کراچی کے حلقہ این اے 249 کے عمائدین، پارٹی عہدیداروں اور اہل علاقہ سے ملاقات کے دوران شہباز شریف کراچی کے مسائل کا ذکر کرتے ہوئے آبدیدہ ہو گئے۔

ن لیگ کے صدر سابق حکمران خاندان کے سربراہ شہباز شریف کا کہنا تھا کہ کراچی کے ساتھ سوتیلی ماں جیسا سلوک ہو رہا ہے، کراچی کی خوشحالی کے بغیر پاکستان خوشحال نہیں ہو گا۔

ان کا کہنا تھا کراچی کے مسائل کو دیکھ کر دل خون کے آنسو روتا ہے، دعا ہے میرے مرنے سے پہلے کراچی شہر بدل جائے، آئندہ الیکشن میں موقع ملا تو کراچی کی قسمت بدل دیں گے۔

شہبازشریف کا کہنا تھا نواز شریف نےکراچی کا امن لوٹایا اور اندھیرے ختم کیے، ہمیں موقع ملا تو کراچی کو سنواریں گے اور اسے مسائل سے پاک شہر بنائیں گے۔