ن لیگ کے اتحادی تھے، آ ئندہ بھی ساتھ مل کر چلیں گے۔ بلوچستان عوامی پارٹی

ترجمان بلوچستان عوامی پارٹی سینیٹر کہدہ بابر کا اپنے ایک بیان میں کہنا ہے کہ ہم ن لیگ کے اتحادی تھے.آنے والے وقت میں بھی ساتھ مل کر چلیں گے۔ ان کا کہنا تھا کہ نوازشریف کی وطن واپسی کا خیرمقدم کرتے ہیں، ان کی واپسی ملک کے لیے خوش آئند ہے. اب ملک سیاسی و معاشی استحکام کی طرف بڑھے گا۔

دوسری طرف عوامی نیشنل پارٹی کے رہنما غلام احمد بلور جاتی امرا پہنچے جہاں گفتگو کرتے ہوئے انہوں نے کہا کہ اگر اداروں نے نوازشریف کا ساتھ دیا تو نوازشریف ملک کو ترقی کی راہ پر گامزن کرسکیں گے۔ ان کا مزید کہنا تھا کہ الیکشن وقت پر ہونے چاہییں آئندہ انتخابات میں مسلم لیگ ن کے ساتھ بات چیت ہوگی۔
مزید یہ بھی پڑھیں؛
انگلش ٹیم کے اہم بولر کرکٹ ورلڈکپ سے باہر
عون چودھری کی نواز شریف کے استقبال کرنے پر وضاحت
ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین
ان کا مزید کہنا تھا کہ ہم چاہتے ہیں ملک میں بہتری ہو اور معیشت بھی بہتر ہو لہذا اسی لیئے میاں صاحب واپس آگئے ہیں اور امید ہے کہ وہ ملک کو بہتری کی طرف لے جائیں گے اور اتحادیوں کے ساتھ مل کر چلیں گے