ن لیگ نے حکومت کےمقابلے میں اپنا "کرونا فنڈ” قائم کرلیا، کرونا سے نمٹنے کے لیےقومی ہم آہنگی کودھچکا

لاہور:ن لیگ نے حکومت کےمقابلے میں اپنا "کرونا فنڈ” قائم کرلیا، کرونا سے نمٹنے کے لیے ہم آہنگی کودھچکا،اطلاعات کےمطابق مسلم لیگ ن پنجاب نے کورونا سے نمٹنے کےلیے "کورونافنڈ”قائم کردیا ،پنجاب سے تمام ایم این اے،ایم پی اے،پارٹی عہدیدار فنڈ جمع کرائیں گے۔

مسلم لیگ ن پنجاب کے ڈویژنل عہدیداروں کو فوری طور پر فنڈ جمع کروانے کی ہدایت کردی گئیں، ایم پی اے کو 25 ہزار، ایم این اے اور سینیٹرز کو 1 لاکھ روپے جبکہ ڈویژنل صدر اور سیکرٹری کو 25 ہزار جمع کرانے کا ٹاسک دیاگیاہے۔

دوسری طرف کے پی کے،سندھ اور بلوچستان کے صدور نے بھی فنڈ اکٹھا کرنے کےلئے اجلاس طلب کر لئے، جمع ہونے والی رقم انسداد کورونا میں خرچ کی جائے گی

دوسری طرف ذرائع کا کہنا ہےکہ پارٹی قیادت کے اس فیصلے کو کئی ارکان کی طرف سے سخت تنقید کا نشانہ بنایا گیا اورکہا گیا کہ یہ مسئلہ کسی سیاسی جماعت کا نہیں ملک وقوم کا ہے. لہٰذا ہمیں حکومت کے ساتھ مل کرکام کرنا چاہیے

یہ بھی معلوم ہوا ہےکہ ان ارکان کی تجویز کی نہ صرف مخالفت کی گئی بلکہ ان کوجھاڑ بھی پلا دی گئی ، بعض لیگی ذرائع کا کہنا ہےکہ ن لیگ کرونا وائرس کی آڑ میں سیاسی فائدہ اٹھانا چاہتی ہے جسے کئی ارکان نے ناپسند کیا