پولیس نے خطرناک مجرم گرفتار کرلیا ، وہ مجرم کون ہے اور کیا کرتا ہے ؟ جانیئے اس خبر میں

لاہور : منشیات فروشوں کے خلاف پولیس کی کارروائی جاری ہے اور تازہ ترین کوشش میں پولیس نے کارروائی کرتے ہوئے تعلیمی اداروں کے قریب منشیات فروخت کرنے والا گروہ گرفتار ، ملزمان سےلاکھوں روپے مالیت کی38 کلو کے قریب منشیات بھی برآمد کر لی گئی۔

تعلیمی اداروں میں منشیات فروشی کے بارے میں ایس پی سول لائنز دوست محمد کھوسہ کا نیوز کانفرنس کرتے ہوئے کہنا تھا کہ تعلیمی اداروں کے اطراف سے5 منشیات فروش پکڑے ہیں، گجرپورہ پولیس نے منشیات کی بھاری کھیپ پکڑی، ملزمان سے 38 کلوکےقریب منشیات برآمد کی گئی۔

ذرائع کے حوالے سے یہ بھی معلوم ہوا ہے کہ اس موقع پر ایس پی نے بتایا کہ انہیں اطلاع ملی تھی کہ کوہاٹ سے ملزمان منشیات کی بھاری کھیپ لاہورلا رہے ہیں جن کو ناکہ بندی کے بعد گرفتار کر لیا گیا۔ملزمان سابقہ ریکارڈ یافتہ اور پہلے بھی تعلیمی اداروں میں منشیات فراہم کرتے رہے ہیں۔