صلاح الدین پر بدترین پولیس تشدد کی تصویریں سامنے آگئیں

گوجرانوالہ: صلاح الدین کا جنازہ آج صبح دفنا دیا گیا، نہلانے سے پہلے اس کے بھائی نے کچھ تصاویر لی ہیں. صلاح الدین کے الٹے ہاتھ پر کسی چاقو کے گہرے زخم کا نشان ہے.

سیدھا ہاتھ جلا ہوا ہے کھال ادھڑ چکی ہے جیسے کسی استری سے جلایا گیا ہو. پولیس نے صلاح الدین پر بدترین ظلم و ستم کیا ہے. پوسٹ مارٹم رپورٹ کا انتظار ہے، امید ہے ہلکی پھلکی رپورٹ بنا کر پولیس اپنے بھائیوں کو بچا لے گی. دوران تفتیش مار پیٹ ہوتی رہتی ہے، ٹانگ یا ہاتھ ٹوٹنا نارمل بات ہے.

صلاح الدین کا کیس بھی دو تین سال عدالت میں چلے گا، پولیس والے دو چار سال سزا بھگتیں گے اور نوکری پر بحال ہو جائیں گے یا پھر حکومت پانچ دس لاکھ روپے دے کر لواحقین کو دیت ادا کر دے گی. عوام بھی مطمئن ہو جائے گی کہ چلو پیسے تو مل گئے قانون، انصاف کے تقاضے جائیں بھاڑ میں.