کراچی میں پولیس اہلکار کو شہید کرنیوالا ملزم سوئیڈن سے گرفتار

کراچی میں پولیس اہلکار عبد الرحمان کو شہید کرکے بیرون ملک فرار ہونے والا قاتل چھ ماہ بعد انٹر پول کی مدد سے پکڑا گیا-

تفصیلات کے مطابق کراچی کے علاقے کلفٹن ای اسٹریٹ پر 22 نومبرکی شب کار سوار شخص خرم نثار کی فائرنگ سے شاہین فورس کا اہلکار کانسٹیبل عبد الرحمان سر میں گولی لگنے سے شہید ہوگیا تھا۔ قتل کی واردات کے چند گھنٹے بعد ہی مرکزی ملزم پولیس اور دیگر قانو ن نافذ کرنے والے اداروں کو چکمہ دیتے ہوئے بیرون ملک فرار ہوگیا تھا۔

مسرت چیمہ اور جمشید چیمہ سے زبردستی پارٹی چھڑوائی جا رہی ہے،عمران خان

پولیس حکام کے مطابق اس ضمن میں ایف آئی اے، وزرات خارجہ کو خط لکھنے سمیت سوئیڈش قونصل خانے تک بھی رسائی حاصل کی گئی اور سوئیڈش حکام کو ملزم خرم نثار کی جانب سے کیے گئے جرم سے متعلق آگاہی دی گئی تھی۔ واقعے کے چھ ماہ بعد کراچی پولیس سوئیڈش حکام کا بالآخر ملزم کی گرفتاری کیلئے قائل کرنے میں کامیاب ہوگئی اور بیرون ملک موجود ملزم خرم نثار کو سوئیڈش پولیس نے گرفتار کرلیا۔

نیب نے عمران خان کو کیس میں شامل تفتیش کرلیا

کراچی پولیس اور مقتول کانسٹیبل عبد الرحمان کے لواحقین کی جانب سے ملزم خرم نثار کی گرفتاری کی تصدیق کی گئی پولیس حکام کا کہنا ہےکہ گرفتاری سےچند روزقبل سوئیڈش پولیس کی ٹیم بھی پاکستان آئی تھی اور ملزم کےخلاف درج مقدمے سے متعلق تمام تفصیلات حاصل کی تھیں ملزم خرم نثار کو پاکستان منتقل کرنے میں دس سے پندرہ روز کا وقت لگ سکتا ہے-

نیب کو ایک اختیار مل گیا جسے ہر جگہ استعمال کررہا ہے،چیف جسٹس