پنجاب پولیس کا اہلکار ایمانداری کی مثال بن گیا

رحیم یار خان (نمائندہ باغی ٹی وی)خانپور
پنجاب پولیس کے اہلکار مہر فیاض کو گزشتہ روز دوران گشت چاچڑاں روڈ پے ایک گمشدہ پرس پڑا ہوا ملا جس میں رقم 10540 روپے اور ایک سجّاد نام کا ڈرائیونگ لائسنس اور شناختی کارڈ ملا جس پر اہلکار مہر فیاض نے ایمانداری کی مثال قائم کرتے ہوئے ڈرائیونگ لائسنس پر موجود ڈرائیور کا نمبر ملا کر مالک سے رابطہ کیا تو ڈرائیور نے اہلکار کو بہت دعائیں دی اور کہا کہ اس میں اسکی مہینے بھر کی تنخواہ تھی جسکے گم ہونے پر وہ بہت پریشان تھا جس پر اہلکار نے اسے یقین دہانی کرائی کے آپکے پیسے میرے پاس امانت ہیں آپ صبح آکر لے جائیں-

اس طرح بزرگ ڈرائیور صبح اہلکار سے آکر ملے اور اپنی رقم واپس حاصل کر کے اہلکار کو بہت ساری دعائیں دیں اور انعام کے طور پر کچھ رقم دینا چاہی جس کو اہلکار نے یہ کہتے ہوئے لینے سے انکار کر دیا کے اس کا صلہ اللہ تعالیٰ کے ہاں ہے اور با حیثیت پولیس اہلکار شہریوں کی جان اور مال کی حفاظت کرنا ہمارا فرض ہے