پولیس بااثر افراد کے خلاف مقدمہ درج نہ کرسکی

پھول نگر میں افسوس ناک واقعہ پیش آیا ہے، بگڑے امیر زادوں نے اپنی ہی عدالت لگا لی ہے، غریب بیوہ کے بیٹے پر بہیمانہ تشدد کیا گیا ہے، با اثر افراد کے تشدد کرنے کی ویڈیو سوشل میڈیا پر وائرل ہوئی ہے، تین ماہ گزرنے کے باوجود مقدمہ درج نہ ہوسکا ہے.

نوجوان کی والدہ کا کہنا ہے کہ راشد گھر سے بازار گیا تو ملزمان اسے اغواہ کر کے ویران علاقے میں لے گئے، ملزمان رسیوں سے باندھ کر میرے بیٹے کو تشدد کا نشانہ بناتے رہے ہیں، ملزمان نے الٹا میرے ہی بیٹے کو چوری کے جھوٹے مقدمہ میں پھنسا دیا ہے، 3 ماہ گزرنے کے باوجود تھانہ سٹی پولیس نے کوئی کاروائی نہیں کی ہے، غریب بیوہ نے ڈی پی او قصور، آر پی او شیخوپورہ اور آئی جی پنجاب سے انصاف کی اپیل کی ہے.