،پولیس نے بین الصوبائی منشیات اسمگلنگ میں ملوث باپ ، بیٹے بیوی اور بہو کو گرفتار کر لیا

موچکو پولیس نے حب ریور روڈ پر کارروائی کرتے ہوئے بین الصوبائی منشیات اسمگلنگ میں ملوث باپ ، بیٹے بیوی اور بہو کو گرفتار کر لیا۔پولیس کے مطابق ملزمان کے قبضہ سے 11 کلو اعلی کوالٹی کی چرس برآمد کی گئی ہے۔
پولیس نے بتایا کہ ملزمان خواتین کے جسم سے منشیات لپیٹ کر بذریعہ کار بلوچستان سے کراچی لا رہے تھے ، گرفتار ملزمان میں باپ رحمدل ، بیٹا حکمت اللہ ، بیوی روزینہ اور بہو رضیہ شامل ہیں۔ملزمان کے خلاف اینٹی نارکوٹکس ایکٹ کے تحت مقدمہ درج کر کے تفتیش شروع کر دی گئی ہے۔