پولیس نے فیشن بلاگر ڈاکٹر ماہا شاہ کی موت کو خودکشی قرار دیا –

باغی ٹی وی : تفصیلات کے مطابق پولیس نے فیشن بلاگر ڈاکٹر ماہا شاہ کی موت کو خودکشی قرار دیا پولیس ذرائع کے مطابق ڈاکٹر ماہا علی نے اپنے دوست جنید کے تشدد سے تنگ آ کر خود کو مارا۔

میڈیا رپورٹس کے مطابق ایس ایس پی ساؤتھ شیراز نذیرکا کہنا ہے کہ ڈاکٹر ماہا شاہ کی پراسرار موت کے حوالے سے چار روز سے جاری پولیس تفتیش مکمل کرلی گئی ہے –

ایس ایس پی شیراز نذیر کا کہنا ہے کہ ماہا علی کو پستول فراہم کرنے کے الزام میں دو ملزمان کو گرفتار کرلیا گیا،نائن ایم ایم پستول سعد صدیقی کی ملکیت تھی جو ماہا علی کے مانگنے پر تابش قریشی نے لے کر دی۔

ایس ایس پی کے مطابق ڈاکٹر ماہا نجی ہسپتال کی ڈیوٹی سے واپس آئی تو کافی ڈیپریشن میں تھی ماہا علی بہن کے ساتھ کمرے میں لیٹی تھی والد آصف شاہ بھی آ کر اسی کمرے میں بیڈ پر لیٹ گئے-

ایس ایس پی کے مطابق ڈاکٹر ماہا علی بہانے سے باتھ روم میں گئی دروازہ بند کرکے شاور چلا دیااورباتھ روم میں دیوار کے ساتھ بیٹھ کر کنپٹی پرپستول سے گولی ماری گولی کی آواز سن کر والد بھاگا، شور مچایا، بیٹی کے ساتھ مل کر باتھ روم کا دروازہ توڑا تو دیکھا کہ باتھ روم میں چلتے شاور کے نیچے ماہا خون میں لت پت تھی-

ڈاکٹر ماہا کے والد نے پولیس کو کال کی ڈاکٹر ماہا علی شاہ کو ہسپتال منتقل کیا گیا جہاں وہ علاج کے دوران ہی چل بسیں-

پولیس کے مطابق ڈاکٹر ماہا علی شاہ شدید ڈپریشن کا شکار تھی خود کو مارنے کی باتیں کرتی تھی-

اداکارہ اشنا شاہ نے فیشن بلاگر ڈاکٹر ماہا شاہ کی خودکشی کو قتل قرار دیا