پولیس اہلکاروں کی صحافیوں کے ساتھ بدتمیزی ،وزیراعلیٰ اورآئی جی پنجاب سے ایکشن لینے کا مطالبہ

لاہور پولیس اہلکاروں کی صحافیوں کے ساتھ بدتمیزی ،وزیراعلیٰ اورآئی جی پنجاب سے ایکشن لینے کا مطالبہ،اطلاعات کے مطابق صحافیوں کے ساتھ بدتمیزی کے واقعات میں مسلسل اضافہ دیکھنے کو مل رہا ہے تازہ واقعہ میں رنگ روڈ پر پولیس اہلکاروں کی صحافیوں کے ساتھ بدتمیزی ویڈیو وائرل ہوئی ہے جس کے بعد پولیس کے اس رویے کے خلاف سخت اقدامات کا مطالبہ بھی سامنے آرہا ہے

باغی ٹی وی کے مطابق صحافی کوریج کر کر واپس آرہے تھے کہ پولیس اہلکاروں نے زدوکوب کیا، اس موقع پر پولیس اہلکاروں کی صحافیوں کو دھمکیاں بھی دی گئیں‌، ذرائع کا کہنا ہے کہ صحافیوں سے پولیس نے موبائل چھین کر بدتمیزی شروع کردی

یہ بھی معلوم ہوا ہے کہ اس موقع پر پولیس اہلکاروں کا کہنا تھا کہ ہم کسی سے نہیں ڈرتے تم ہمیں معطل بھی کروا دو ، دوسری طرف صحافیوں کا وزیراعلی پنجاب آئی جی پنجاب وزیر قانون پنجاب اور دیگر متعلقہ حکام سے نوٹس لینے کی اپیل کی ہے

پولیس اہلکاروں کی صحافیوں کے ساتھ بدتمیزی سے ثابت ہوتا ہے کہ پولیس شہریوں کے ساتھ کیسا سلوک کرتی ہے