انسداد پولیو مہم، وزیراعلیٰ نے کیا افتتاح، پنجاب میں کتنی ٹیمیں تشکیل دی گئیں؟

انسداد پولیو مہم، وزیراعلیٰ نے کیا افتتاح، پنجاب میں کتنی ٹیمیں تشکیل دی گئیں؟

باغی ٹی وی کی رپورٹ کے مطابق وزیراعلیٰ پنجاب سردارعثمان بزدار نے صوبے میں انسداد پولیو کی خصوصی مہم کا افتتاح کر دیا۔ وزیراعلیٰ عثمان بزدار نے بچوں کو انسداد پولیوکے قطرے پلا کرمہم کا آغاز کیا۔پنجاب میں آج سے شروع ہونے والی خصوصی مہم پانچ روز جاری رہے گی۔

صوبائی وزراء ڈاکٹر یاسمین راشد،راجہ بشارت،پیر سید سعید الحسن شاہ،اراکین اسمبلی ثناء اللہ مستی خیل اورچوہدری شہبازاحمدنے بھی بچوں کو انسداد پولیو کے قطرے پلائے۔وزیراعلیٰ آفس میں منعقدہ تقریب میں چیف سیکرٹری،صوبائی سیکرٹری پرائمری اینڈ سکینڈری ہیلتھ، فوکل پرسن انسداد پولیو پروگرام اور متعلقہ حکام نے شرکت کی.

اس موقع پر وزیراعلیٰ پنجاب کا کہنا تھا کہ پنجاب بھر میں 5 سال سے کم عمر تقریباً2کروڑ بچوں کو پولیو سے بچاؤ کے قطرے پلائے جائیں گے۔خصوصی مہم میں 50ہزار سے زائد ٹیمیں گھر گھر جاکر بچوں کو قطرے پلائیں گی۔

وزیراعلیٰ پنجاب @UsmanAKBuzdar نے انسداد پولیو کی خصوصی مہم کاافتتاح کردیا
وزیراعلیٰ عثمان بزدار نے بچوں کو انسداد پولیوکے قطرے پلائے

تقریب میں صوبائی وزیر ڈاکٹر یاسمین راشد،سیکرٹری پرائمری اینڈ سپیشلائزڈ ہیلتھ، سپیشل سیکرٹری پرائمری اینڈ سپیشلائزڈ ہیلتھ اور متعلقہ حکام کی شرکت pic.twitter.com/8GGK4skG4j

— Pervez Elahi Updates (@CMPunjabPK) December 16, 2019

وزیراعلیٰ نے ڈپٹی کمشنرز کو خود فیلڈ میں نکل کرانسداد پولیو مہم کی نگرانی کی ہدایت کی،صوبائی وزراء کو بھی انسداد پولیو مہم کیلئے ڈویژن کی سطح پر ذمہ داریاں سونپ دی گئی ہیں۔ وزیراعلیٰ نے والدین سے اپیل کی کہ وہ انسداد پولیو ٹیموں سے تعاون کریں اوراپنے بچوں کو انسداد پولیو کے قطرے پلائیں۔

وزیراعلیٰ پنجاب عثمان بزدار نے مزید کہا کہ پنجاب کو پولیو فری صوبہ بنائیں گے۔ پولیو کے خلاف جنگ قوم کے نو نہالوں کے مستقبل کی جنگ ہے جس میں جیت ہی واحد آپشن ہے۔اپنے بچوں کو پولیو کے موذی مرض سے ہر صورت بچائیں گے۔ اس جنگ کو جیتنے کے لئے معاشرے کے ہر طبقے کو اپنا بھر پور کردارادا کرنا ہوگا۔مشترکہ کاوشوں سے پولیو وائرس کا خاتمہ کریں گے۔پوری دنیا پولیو فری ہوگئی ہے، بدقسمتی سے پاکستان اور افغانستان میں یہ موذی مرض اب بھی موجود ہے۔

ملک بھر میں انسداد پولیو کی 5روزہ مہم کا آج سے آغاز ہو رہا ہے،پولیو مہم میں 2 لاکھ 65ہزار ہیلتھ ورکرز حصہ لیں گے،5سال سے کم عمر4کروڑ بچوں کو پولیو کے قطرےپلائے جائیں گے،رواں سال ملک بھر میں 100سے زائد پولیو کیسز سامنے آئے،مہم کے دوران بچوں کو وٹامن اے کے قطرےبھی پلائے جائیں گے،

خیبر پختونخواہ میں پولیو کے بڑھتے ہوئے کیسز، حکومت نے بڑا فیصلہ کر لیا

بنوں میں پولیو کا ایک اور کیس، انسداد پولیو مہم جاری

سابق وفاقی وزیر صحت سائرہ افضل تارڑ نے ملک میں پولیو اور ڈینگی کے بڑھتے کیسز پر کمیشن بنانے کا مطالبہ کر دیا,ملک میں پولیواورڈینگی کی تشویشناک صورتحال ہے،اس نااہل حکومت کوپورا ایک سال دیا ،حکومتی سطح پرپولیومہم اورصحت و تعلیم کا بیڑہ غرق کردیا گیا،اس وقت 65پولیو کے کیسز ہیں ،پولیو مہم کا بیڑا غرق ہوچکا ہے وفاق اورصوبائی حکومتوں کا آپس میں کوئی رابطہ نہیں،

خیبر پختونخواہ میں انسداد پولیو مہم میں رکاوٹ پولیو سٹاف بن گیا

پولیو مہم کے خلاف پروپیگنڈہ، سات تعلیمی اداروں کے خلاف کاروائی

سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر

سائرہ افضل تارڑ کا مزید کہنا تھا کہ ہم اپنےدورمیں پولیو پروگرام میں شفافیت لائے،ہمارے دورمیں بھی پولیووائرس تھا لیکن ہم نے اس کومحدود رکھا،حکومت پولیواورڈینگی پربھی کمیشن بنائے اورذمہ داروں کا تعین کرے