قصور میں پولیو ٹیم سے چھیڑخانی پر مقدمہ درج کر لیا گیا

جرار شاکر ،( باغی ٹی وی قصور)
اسسٹنٹ کمشنر چونیاں کا ارزانی پور میں فی میل پولیو ورکرز کے ساتھ چھیڑ خانی اور بدتمیزی کرنے والے دو آوارہ لڑکوں کے خلاف ایف آئی آر درج کر لی گئی۔
باغی ٹی وی کی رپورٹ کے مطابق اسسٹنٹ کمشنر چونیاں عدنان بدر نے کاروائی کرتے ہوئے دونوں آواروں لڑکوں کے خلاف ایف آئی آر درج کروا دی ہے-
ایک لڑکے کو موقع پر گرفتار کروا دیا جبکہ دوسرا موقع سے فرار ہوگیا ۔فرار ہونے والے ملزم کی تلاش جاری ہے۔
پولیو ورکرز کو پرچی پر نمبر لکھ کر دیا گیا اور جنسی طور پر ہراساں کرنے کی کوشش بھی کی گئی۔
اے سی چونیاں کے مطابق فرار ہونے والے ملزم کو جلد گرفتار کرلیا جائے گا۔
آئندہ بھی اگر کسی نے پولیو ٹیم کے کام میں رکاوٹ ڈالی یا ان سے بدتمیزی کی تو ان کے خلاف سخت سے سخت کاروائی کی جائے گی۔
اسسٹنٹ کمشنر چونیاں عدنان بدر ۔