کرونا وائرس پرسیاست نہ چمکائیں ، عالمی ادارہ صحت کے سربراہ کا پاکستانی سیاستدانوں سمیت عالمی رہنماوں ‌کے نام پیغام

جنیوا:کرونا وائرس پرسیاست نہ چمکائیں ، عالمی ادارہ صحت کے سربراہ کا پاکستانی سیاستدانوں سمیت عالمی رہنماوں ‌کے نام پیغام،اطلاعات کے مطابق عالمی ادارہ صحت کے سربراہ کو بھی میدان میں آنا پڑگیا ،اطلاعات کے مطابق عالمی ادارہ صحت ڈبلیو ایچ او کے سربراہ ڈاکٹر ٹیڈ روس کا کہنا ہے کہ پوری دنیا میں کرونا وائرس کے مریضوں میں ریکارڈ اضافہ ہو رہا ہے، عالمی رہنما کرونا وائرس پر سیاست کرنے کے بجائے اس سے لڑنے کے لیے متحد ہو جائیں۔

عالمی ادارہ صحت کے سربراہ ڈاکٹر ٹیڈ روس نے ورلڈ گورنمنٹ سمٹ کے موقع پر ویڈیو کانفرنس سے خطاب کیا۔ اس موقع پر ڈاکٹر ٹیڈ روس کا کہنا تھا کہ عالمی رہنما کرونا وائرس پر سیاست کرنے کے بجائے اس سے لڑنے کے لیے متحد ہوجائیں۔

ڈاکٹر ٹیڈ روس کا کہنا تھا کہ کوویڈ 19 مرض پھیل رہا ہے، پوری دنیا میں مریضوں میں ریکارڈ اضافہ ہو رہا ہے، دنیا میں 10 لاکھ کیسز 3 ماہ میں رپورٹ ہوئے۔لیکن افسوس اس بات پرہے کہ سیاستدان اپنی سیاست چمکا رہے ہیں ، ان کو ایسی سوچ سے بازآنا چاہیے ،

انہوں نے کہا کہ 10 سے 20 لاکھ وائرس کیسز پہنچنے میں صرف 8 دن لگے. بھارت،پاکستان ،امریکا اور دیگر ممالک میں کرونا وائرس کے کیسز میں بے انتہا اضافہ ہو چکا ہے۔

خیال رہے کہ دنیا بھر میں اب تک کرونا وائرس کے 95 لاکھ 35 ہزار 219 کیسز سامنے آچکے ہیں جبکہ 4 لاکھ 85 ہزار سے زائد افراد اس وائرس کے ہاتھوں موت کے گھاٹ اتر چکے ہیں۔