اسلام آباد : وفاقی دارالحکومت کی انتظامیہ فضائی آلودگی روکنے کے لیے دفعہ 144 نافذ کردیا۔
با غی ٹی وی : ایڈیشنل ڈسٹرکٹ مجسٹریٹ اسلام آباد کی جانب سے جاری احکامات کے مطابق ضلعی انتظامیہ نےفضائی آلودگی روکنے کے لیے ضلع میں دفعہ 144 نافذ کر دی ہےضلع بھر میں گاڑیوں، فیکٹریوں، بھٹوں سے زہریلی گیسوں کے اخراج، کوڑا اور فصلیں جلانے پر پابندی عائد کردی گئی ہے۔
نوٹیفکیشن میں خبردار کیا گیا ہے کہ ایڈیشنل ڈسٹرکٹ مجسٹریٹ کے احکامات کا اطلاق فی الفور ہوگا اور آئندہ 2 ماہ تک اس کا نفاذ ہو گا، ضلعی انتظامیہ کے احکامات کی خلاف ورزی کی صورت میں سخت قانونی کارروائی کی جائے گی۔
چیف جسٹس نے جوڈیشل کمیشن کا اجلاس طلب کر لیا
واضح رہے کہ اسلام آباد میں سموگ کا خطرہ،پاک ای پی اے نے ضلعی انتظامیہ سے دفعہ 144 کے نفاذ کی سفارش کی تھی،بھٹوں سے دھویں کے اخراج، ٹھوس فضلے اور زرعی فضلے کر جلانے پر پابندی کی سفارش کی گئی ہے،انوائرمنٹل پروٹیکشن ایجنسی کی جانب سے کہا گیا ہے کہ سموگ سے بچاو کیلئے چار ماہ تک دفعہ 144 نافذ کی جائے،خلاف ورزی کی صورت میں ای پی اے ایکٹ کے تحت سخت کارروائی کی جائے، خشک اور سرد موسم کے دوران سموگ کا خطرہ بڑھ جاتا ہے، مشرقی اور وسطی پنجاب سب سے زیادہ سموگ سے متاثر ہوتے ہیں، آنیوالے دنوں میں میدانی علاقوں اور پوٹھوہار ریجن میں ایئر کوالٹی متاثر ہونے کا خدشہ ہے-
