آنکھ میں آنسوؤں کا چھم ابھرا،شاعر:صفدر بھٹی

آنکھ میں آنسوؤں کا چھم ابھرا

دل میں جیسے ہی تیرا غم ابھرا

چاند پر ٹکٹکی لگائی تھی

یک بہ یک مصحفِ صنم ابھرا

قلب پھر مشعلوں سے روشن تھا

تار تارِ جگر میں دم ابھرا

حیرتیں پتلیوں میں ڈھلتی گئیں

ماہ جب ابرِ در کرم ابھرا

شب جو اشعارِ میر پڑھنے لگے

پھر تو قرطاس پر جو نم ابھرا

ہاتھ جونہی دعا کو اٹھے تو

آنکھ میں دفعتاً حرم ابھرا

پھر جگر چیرتا سکینہ کا

کربلا میں وہی دہم ابھرا

قریہ قریہ ہوئی عزاداری

شہر در شہر پھر الم ابھرا

صفدرا اس جہانِ خیرہ میں

کب کوئی ڈوبتا بہ یم ابھرا