26 نومبر احتجاج کیس، پی ٹی آئی رہنماؤں اور کارکنان کے وارنٹ گرفتاری جاری

اسلام آباد: انسدادِ دہشت گردی عدالت اسلام آباد نے 26 نومبر احتجاج سے متعلق مقدمے میں پاکستان تحریک انصاف (پی ٹی آئی) کے رہنماؤں کے خلاف وارنٹ گرفتاری جاری کردیے۔

انسدادِ دہشت گردی عدالت کے جج ابوالحسنات محمد ذوالقرنین نے پولیس کی استدعا پر وارنٹ گرفتاری جاری کیے۔ وارنٹ تھانہ کوہسار میں درج مقدمہ نمبر 1033 میں حاصل کیے گئے ہیں۔عدالت نے پی ٹی آئی کے 12 ارکانِ صوبائی اسمبلی اور 3 ارکانِ قومی اسمبلی کے وارنٹ گرفتاری جاری کیے ہیں۔ پی ٹی آئی رہنماؤں عمر ایوب اور عرفان سلیم کے وارنٹ گرفتاری بھی جاری کیے گئے۔جن ارکانِ صوبائی اسمبلی کے وارنٹ جاری کیے گئے ہیں، ان میں بابر سلیم سواتی، محمد عثمان، آصف محسود اور عجب گل سمیت دیگر شامل ہیں۔اسی طرح ارکانِ قومی اسمبلی شاہ احد، شیر علی ارباب اور زبیر وزیر کے بھی وارنٹ گرفتاری جاری کیے گئے ہیں