واشنگٹن: امریکا میں سفاک پوتے نے اپنی 82 سالہ دادی کو مہینوں تک فریج میں بند کرکے موت کے گھاٹ اتار دیا۔
باغی ٹی وی : غیر ملکی میڈیا کے مطابق امریکی ریاست جیورجیا کے علاقے آرموکی میں انتیس سالہ روبرٹ کیتھ ٹنچر نامی شخص نے معمر خاتون کو شاپر بیگ میں بند کرکے فریج میں رکھا جس کے باعث ان کی موت واقع ہوئی۔
ماں کو گھر میں دس برس تک قید رکھنے والا سفاک گرفتار
میڈیا رپورٹس کے مطابق ڈورس نامی ضعیف خاتون دسمبر میں حادثاتی طور پر گھر میں گر زخمی ہوئیں تو پوتے نے بجائے اسپتال لے جانے کے انہیں فریج میں بند کردیا جس سے وہ ہلاک ہوگئیں، پولیس نے ملزم کو گرفتار کرکے قانونی کارروائی شروع کردی ہے۔
ابتدائی طور پر کہا جارہا ہے کہ ٹنچر ذہنی مریض ہے جبکہ پولیس کا کہنا ہے کہ مقتولہ پاؤں پھسلنے کے باعث گری تھیں اور وہ زخمی حالت میں سانس بھی لی رہی تھیں لیکن ملزم نے اسی حالت میں انہیں بڑے سے فریج میں ڈال دیا تھا۔
پولیس نے بتایا کہ خاتون کے اچانک غائب ہونے پر خاندان والوں نے لاپتہ ہونے کی رپورٹ درج کرائی، تحقیقات کے دوران حقیقت سامنے آئی، ملزم نے کہا وہ اپنی دادی سے بہت محبت بھی کرتا تھا۔
قبل ازیں بھارتی ریاست تامل ناوڈو میں ایک دل دہلا دینے والا واقعہ سامنے آیا تھا جس میں بیٹوں نے بوڑھی ماں کو 10 سال تک گھر میں قید رکھا تھا بھارتی ریاست تامل ناڈو کے علاقے تھنجاور میں اپنی 72سالہ ماں کو 10 سال تک گھر میں قید رکھنے پر ایک پولیس افسر سمیت دو بھائیوں کو گرفتارکیا گیا اور ان کے خلاف مقدمہ درج کیا گیا-
