باغی ٹی وی: پیرمحل(وقاص شریف نامہ نگار)سندھیلیانوالی میں مرغی کے گوشت کی قیمتوں میں اضافہ ، انتظامیہ کی خاموشی سے عوام پریشان ۔
تفصیلات کے مطابق: سندھیلیانوالی میں مرغی کے گوشت کی قیمتوں کی من مرضی سے وصولی کے ساتھ ساتھ گوشت کے تول میں کمی کی شکایات عام ہونے لگی ۔ مقامی انتظامیہ کی خاموشی سے عوام پریشان ،ملک بھر کی طرح سندھیلیانوالی میں بھی مہنگائی نے اپنے پنجے گاڑ رکھے ہیں دوکاندار اشیاء کی قیمتوں میں اپنی مرضی سے کمی بیشی کر رہے ہیں خاص کر سبزیوں کی دکانوں پر صبح سویرے سبزی کی خریداری کے دوران لوگوں کا دوکانداروں سے تکرار روزانہ کا معمول بن چکا ہے عوام چکن کے گوشت کی خریداری پر بھی پریشان دکھائی دیتے ہیں حالانکہ مرغی کا فی کلو سرکاری ریٹ انتظامیہ کی جانب سے جاری کیا جاتا ہے دوکاندار من مانی کرتے ہوئے گوشت کے وزن میں صفائی کے نام پر گوشت کم دیتے ہیں شہریوں نے مطالبہ کیا کہ گوشت فروش جب مقرر ریٹ کے مطابق فی کلو کے حساب سے پیسے لیتے ہیں تو گوشت کے وزن میں کمی کیوں کی جاتی ہے انتظامیہ اس کا نوٹس لے
Shares:
