ترجمان پاک بحریہ کے مطابق صدر آزاد جموں و کشمیر سردار مسعود خان کی نیول ہیڈ کوارٹرز اسلام آباد آمد ہوئی۔ نیول ہیڈ کوارٹرز آمد پر سربراہ پاک بحریہ نے صدر آزاد جموں و کشمیر کا استقبال کیا۔صدر آزاد جموں و کشمیر نے پاک بحریہ کے سربراہ ایڈمرل محمد امجد خان نیازی سے ملاقات کی اور باہمی دلچسپی کے امور بشمول مسئلہ کشمیر پر بات چیت کی گئی۔ نیول چیف نے اس عزم کا اعادہ کیا کہ پوری قوم اور پاک بحریہ کشمیریوں کے حق خود اردیت کی حمایت جاری رکھے گی۔ صدر آزاد جموں و کشمیر نے کشمیریوں کی جدوجہد کی حمایت کے سلسلے میں پاکستان کی مسلح افواج کے عزم کو بھی سراہا۔
Shares:
