پھر تبدیلی آگئی،یوٹیلٹی اسٹورز پرسیکڑوں اشیاء مہنگی کردی گئیں

اسلام آباد: یوٹیلٹی اسٹورز پر دودھ، گھی سمیت سیکڑوں اشیاء کی قیمتوں میں اضافہ کردیا گیا۔

یوٹیلٹی اسٹورذرائع کے مطابق یوٹیلٹی اسٹورز پر سینکڑوں اشیاء مہنگی کردی گئیں، قیمتوں میں فوری اضافے کا نوٹیفکیشن بھی جاری کردیا گیا ہے۔دودھ، گھی، کوکنگ آئل، شیمپو سمیت دیگر اشیاء مہنگی کردی گئیں،ملک پاؤڈر کی قیمت میں 40 روپے، وائٹنر پاؤڈر 25 روپے تک مہنگا کردیا گیا ہے۔

دودھ کی قیمتوں میں 5 روپے تک اضافہ کردیا گیا ہے، کوکنگ آئل 30 روپے مہنگا کیا گیا ہے، گھی کی قیمتوں میں بھی 10 روپے تک اضافہ کردیا گیا ہے۔
مصالحہ جات 14 روپے تک مہنگے کردئیے گئے ہیں، شیمپو کی قیمتوں میں 55 روپے اضافہ کردیا گیا، منرل واٹر کی قیمت 10 روپے بڑھا دی گئی ہے۔

اس سلسلے میں حکام کا کہنا کہ یہ عارضی مہنگائی ہے. کچھ دنوں تک کی جانے والی مہنگائی واپس لے لی جائے گی .کیچپ 8 روپے اور کسٹرڈ 4 روپے مہنگا کردیا گیا ہے، نمک ایک روپے اور گارلگ کیچپ کی قیمتوں میں 7 روپے تک اضافہ کردیا گیا ہے۔

Comments