لاہور: پنجاب حکومت نے پرائمری سے ہائیر سیکنڈری تک اسکولز بند کرنے کا اعلان کردیا-
باغی ٹی وی : بڑھتی اسموگ کے پیش نظر پنجاب کے مختلف اضلاع میں تعلیمی ادارے بند کردیے گئے، ڈی جی ماحولیات پنجاب نے تعلیمی اداروں کی بندش کا نوٹیفیکشن جاری کردیا ،جس کے مطابق پنجاب کی 4 ڈویژنز کے 18 اضلاع کے نجی اور سرکاری تعلیمی ادارے بارہویں جماعت اور اے لیولز تک بند رہیں گے، تمام تعلیمی ادارے آن لائن کلاسز پر منتقل ہوں گے۔
نوٹیفکیشن میں کہا گیا ہےکہ فیصلے کا اطلاق لاہور، شیخوپورہ، قصور، ننکانہ صاحب پر ہوگا، گوجرانوالہ، گجرات، حافظ آباد، منڈی بہاؤالدین، سیالکو ٹ، نارووال میں بھی اسکولز بند رہیں گے، اس کے علاوہ فیصل آباد، چنیوٹ، جھنگ، ٹوبہ ٹیک سنگھ، ملتان، لودھران، وہاڑی، خانیوال میں بھی اسکولز بند رہیں گے، اسکولز بند رہنے کے فیصلے کا اطلاق 7 سے 17 نومبر تک ہوگا۔
دوسری جانب لاہور میں پریس کانفرنس کرتے ہوئے پنجاب کی سینئر وزیر مریم اورنگزیب نے کہا کہ اسموگ کے خاتمے کے لیے تمام محکمے کام کر رہے ہیں، ایئر کوالٹی انڈیکس کی مانیٹرنگ کے لیے کنٹرول روم جدید آلات سے بنایا گیا ہےفصلوں کی باقیاتِ جلانے سے اسموگ میں اضافہ ہو رہا ہے، پلاسٹک بیگز پر پابندی ہے مگر خلاف ورزی ہو رہی ہے، اگر آپ نے ماسک نہیں پہنا تو آپ میتھین اپنے پھیپھڑوں میں پہنچارہے ہیں۔
دی سمارٹ سکول چونیاں کیمپس کی طالبہ کی انگلش تقریر میں پہلی پوزیشن
مریم اورنگزیب نے کہا کہ بچیوں کو آن لائن اسٹڈی کی جانب لے جائیں، انڈیا میں راجھستان اور دیگر اضلاع کی ہوا نے ملتان اور گوجرانولہ کو متاثر کیا، لاہور کا ایئر کوالٹی انڈیکس ایک ہزار سے زائد ہے لاہور کا اے کیو آئی 1100 سے تجاوز ہوااگلے 10 دن تک سمو گ کی صورت حال یونہی رہے گی بنیادی طور پر بھارت سے آنیوالی ہواؤں سے سموگ 1100 سے تجاوز کر جاتا ہے پرائمری سے ہائیر سیکنڈری تک اسکولز بند کر رہے ہیں، 7 نومبر سے لاہور، گوجرانولہ، فیصل آباد اور ملتان میں آن لائن اسکولنگ ہوگی، سرکاری اور نجی دفاتر میں 50 فیصد افسران کام کریں گے، سرکاری دفاتر میں ذوم میٹنگز ہوں گی، ماسک ہر سطح پر ضروری کردیا گیا ہے، آئندہ 10 روز تک اسموگ کی شدت برقرار رہے گی۔وزیراعلیٰ مریم نواز نے بھارت سے سموگ ڈپلومیسی کی بات معاملے کی سنگینی کے باعث کی.جب تک بارڈر کے دونوں اطراف اقدامات نہیں اٹھائے جائیں گے سمو گ ختم نہیں ہو سکتی ہمیں بحیثیت قوم خود بھی ماحول کا خیال رکھنا ہے. مونجی وغیرہ کو نہ جلایا جائے، شاپنگ بیگ کے استعمال اورکوڑا جلانے سے گریزکریں-
