اسلام آباد: بے نامی اثاثوں کے معاملات کو حتمی نتیجے تک پہنچانے کے لیے وزیر اعظم نے آئی ایس آئی سمیت دیگر 6 اداروں پر مشتمل کمیٹی تشکیل دے دی ہے وفاقی کابینہ نے 6 رکنی بے نامی انفارمیشن کمیٹی کی تشکیل کی منظوری دے دی جو جے آئی ٹی کی طرز پر بنائی گئی ہے۔
اسلام آباد سے ذرائع نے بتایا کہ کابینہ کی طرف سے بنائی گئی یہ کمیٹی بے نامی ٹرانزیکشن ایکٹ 2017 کے تحت عمل میں لائی گئی جس میں آئی بی، آئی ایس آئی، ایف آئی اے، ایف بی آر، اسٹیٹ بینک اور ایس ای سی پی کے گریڈ 18 اور 19 کے افسران کو شامل کیا گیا ہے جو اپنے دفاتر میں رہ کر کام کریں گے جب کہ نیشنل کوآرڈینیٹر نوشین جاوید امجد کمیٹی کی سربراہ ہوں گی۔
یہ کمیٹی بے نامی اثاثوں کی معلومات اکٹھی کر کے متعلقہ حکام کو فراہم کرے گی۔ذرائع نے بتایا کہ کمیٹی بے نامی قوانین پر عملدرآمد کے عمل کو تیز کرنے میں اپنا کردار ادا کرے گی اور حکام کی کارکردگی کو موثر بنانے میں بھی سہولت کاری کرے گی۔
