نوجوانوں نے جتنے پیسے مانگے ہیں ان کو فوری دیئے جائیں ، عمران خان کا حکم

اسلام آباد: نوجوانوں نے جتنے پیسے مانگے ہیں ان کو فوری دیئے جائیں ، عمران خان کا تازہ حکم آگیا،اطلاعات کے مطابق وزیراعظم عمران خان کے کامیاب جوان پروگرام نے پنجاب میں انٹری ڈال دی، پنجاب کے نوجوانوں کو قرض کی تقسیم آج سے شروع ہوگی۔

وزیراعظم کے حکم کے مطابق صدر مملکت عارف علوی سیالکوٹ سے چیکس کی تقسیم کا آغاز کریں گے۔کامیاب جوان پروگرام کے پہلے مرحلے میں100 ارب روپے مختص کیے گئے ہیں، پروگرام کے تحت1 سے50 لاکھ تک کے چیک نوجوانوں کو دئیے جائیں گے۔

وزیراعظم کے معاون خصوصی عثمان ڈار نے کہا کہ 3ہزار نوجوانوں کو آرٹیفیشل انٹیلیجنس منصوبے کا حصہ بنایا جائے گا، منصوبے سے فائدہ اٹھا کر نوجوان لاکھوں ڈالرز کما سکتے ہیں، صدر بھی کامیاب جوان پروگرام میں متحرک کردار ادا کریں گے۔